مــريــم.. وتضحك يرق الماء ويصفالي زماني
والمكان يطيب والرمـان يتكدس .. هنيـّـــا
من شفايفها .. صباح الخير شكل وطعم ثاني
آآآه .. لو تدري وش تسوي صباح الخير فيـّـــا
تاخذ الما من يــديــه توصله شـط الاماني
واهنييّ كلمّا مــريــم خذتني من يــديـّـا
اذكر اول ماتلاقيــنــــا.. تسمّــرت بمكـــاني
حاولت عيني تشوف الدرب مير القلب عيـّـا
الحلا فيها من اقصــــاهــــا ولا للزين دانــي
كل مافيهــــا خلقــه الله من طلعـة محيـّـــا
كلما عزّ الطلب عندي وقالت لي: عشاني
قلت: من هذي قبل هذي .. وجابتني حميـّا
قبلها.. ما طاعت اقدامي طريق الاّ عصاني
بعدها.. ماظل حلم أخضر بصدري ماتهيـّــا
.. فهد عافت ..