تماديتي وأنا مثلك تماديت بهجر وبعــــاد
وكلٍ مثّل عناده خفوقٍ ثابتٍ صــامـد
وإذا عندك بعادي عيد ترى عندي جفاك أعياد
وعسى طول الجفا مني يليّن قلبك الجامد
أبضحك بظهر البسمة ولو إن الجروح اجداد
ترى قلب الحريقة ضو .. ولو وجه الحطب رامد
بكون أكبر من الغلطة وبعلن للهوى ميلاد
إذا كان الخطا منك مجرّد ثورة الخــــامد
وإذا كان الجفا منّك مسافات وغلا وعنـــاد
تراي أكبرمن عنادك وقولي قالها حــامــد
..حامد زيـد ..