مشتاق لك يامنبع الشوق والذوق
ياورة النويّرجوري وكادي
مشتاق لك ماتسمعيني أنا فوق
في عالمك يابنت أزهم وأنادي
مشتاق لك والقاف أنخاه ويسوق
كل الوصوف النابعه من فؤادي
مشتاق لك والقلب يلحق به خفوق
والعين تسهروالليالي شدادي
وفي غيبتك أحيان أعيش مخنوق
لاتبتعد أرجوك خلّّك قصادي
أعيش فرحه والفكرجنّبك يروق
ياريح عنبريانفل مع زبادي
وشمس الوله مادامها تنثر شروق
يكون يومي بالسعد غير عادي
سماك عندي كلهاغيم وبروق
هتان ديمه ينتثر وسط وادي
وراع الهوى ماكان في يوم مطفوق
دامه عشق من قلب خذهاوكادي
حيث يشيل إحساس واضح وموثوق
صادق تميّز مايغر العبادي
والأالكذوب يبان بالكذب مفروق
شخص ٍيبيّن بالنكد والعنادي
مثله تمادى يسرق الولف بالموق
فيه النواياتنطلي بالسوادي