موافي الجرح

.. سعود ..


يسعدنا تواجدك ..

ويشرفنا .. نور هالمصافحه ..

ويا هلا فيك .. وبـ قصيدك ..

.
.


عزيزي ..

يعتبر هـ البوح .. ( بوح مبتدئ في عالم القصيد ) ..

عذراً .. في البداية .. على ما ستقرأه هنا ..

لكن .. لي كذا تعليق بسيط ..

اتمنى تتقبله بصدر رحب ..

أولاً :

موضوع القصيدة يدور عن .. قدرة الدمع .. على :

- تقليل .. من شأن الشخص ..

وإنت هنا .. أكدت لنا إن الدمع قادر ومتمكن أيضاً .. من ذلك ..

عزيزي .. الدمع .. ما انخلق لـ الذل والتقليل من شأنك كـ شخص أمام

من كان سبب به ..

سواءً .. حبيب / عزيز / أخ / صديق .... إلخ

بالعكس .. ممكن هـ الدمع يرفع من قدرك أمامهم .. !!

ربما الدمع .. نتيجة خطأ اقترفته ذات يوم ..

أو .. فقد / شوق / زعل / عتاب .. أياً كان سببه ..

الدمع من وجهة نظري ( سلاح ذو حدين ) ..

ممكن .. حصل مني زلة .. فـ يلين قلبه علي ( أياً كان )

وممكن مشتاقه / فاقده .. فـ يخفف الدمع جزء بسيط من حجم هالشوق والفقد

وممكن .. وممكن ... تتعدد الأسباب وماودي أروح بعيد عن

( لا ترخص الدمع ) ..

.
.

ثانياً :

في البيت ..

ماهي دموع تنتثر في لياليك

دمـع يذل وكل ما قمت وطـاك

( الشطر الأول .. ماهي دموع تنتثر في لياليك .. في شيء من الخلل

ما أدري وينه .. ؟!

من وجهة نظري .. اعتبره حشو زائد .. )

( علماً بأن الخلل في الشطرين .. لكن الوضوح في الأول ..

لو يتم حذفهم .. يكون أفضل من هالصوره )

حتى يتم التسلسل بشكل اروع من كذا ..


لا ترخص الدمعة ترى الدمع عاليك

لا ترخصه للي على جنب خلاك


خلاك بين الناس شاكي مماشيك

حـط الندم رسمه على الوجه تبلاك


صـور لك الأوهام حب يغطيـك

ابطـى مع الأيام يقرب وينصاك


( تبقى مجرد وجهة نظر .. أنا اشوف كذا أفضل )


لأنك فـ البداية كنت تخاطب شخص ما .. وتوضح له صورة الدمع لو نزل أمام

الحبيب أو الصديق .. إلخ

وفجأه .. دخل هالبيت .. فقلل من جمالية التسلسل .. !


.
.





عزيزي .. السموحه على المداخلة .. لي عودة .. غن ماجا بالخاطر شيء .. من فلسفتي المبتدئه ..