عفــرى
عفرى تقول مضايقتهـا الجدايـل
قولوا لـ عفـرى لاتقص الجديله
والنظره اللـي راح فيهـا قبايـل
هذا وهي طرقـة غطاهـا ثقيلـه
وإلا ثغرهـا مكـنـز ٍ للهوايــل
مايلحـق يـرد الشهـاده قتيـلـه
تجلس ونلقا عـن قمرنـا بدايـل
تاقف ويكـره كـل خـل ٍ خليلـه
عفـرى وترتـج الكبـار الثقايـل
والنور يرجـع للسـراب ويشيلـه
عفرى وتبـرد وجنتيـن القوايـل
والجدب يرضع شفتيـن المخيلـه
عفرى وتبدي من دلعها خصايـل
ورد ٍ جمع قطر الندى في شليلـه
عفرى واشوف الفجر راح يتمايل
والليـل راح بسكرتـه يرتكيـله
عفرى واشوف طويق ذايب وسايل
والرمّـه موقـف يبيهـا تجيلـه
عفرى وينعس جفن رفحا وحايـل
ويجي لهامة نجـد قصـه طويلـه
والحب مابه عند عفـرى جمايـل
ياوالله اللي شوف عفرى جميلـه
وعفرى تقول أحلى بدون الجدايل
قولوا لعفرى تنقض ( أم ) الجديله
عبدالمحسن بن سعيد