يسعد صباحك .. يا حبيبي
حالي طيب
كل شي مثل اللي كان
المدامع .. و المواجع ..
و الأمان اللي اختفى لحظة غيابك
و الليالي اللي مضت .. مثل الليالي اللي مضت
الهم عازف .. والدمع نازف ..
و العمر في غيبتك حاير و خايف
حتى جراحك وسط قلبي مثل ماهي
وفي شفاهي باقيٍ نفس الكلام اللي بقى .. آخر لقا
مثل منتَ يا حبيب الروح شايف
كل شي مثل اللي كان
و حالي طيب
يسعد صباحك ..
يا حبيبي

هذا أنت
كل ما ضاقت بي الدنيا تغيب ...
و كل ما ضاقت بك الدنيا تجيني
هذا أنت
ان كساك الهم صرت أوفى حبيب
وان نساك الهم تتباهى بـ أنيني
مثل منت .. دايم تجي فـ وقتك حبيبي
بعد ما وقتك يروح
يا آخر دموعي و شجوني ..
و أول إحساسي جروح
ما بقالي من عذابي يا حبيبي .. إلا أنت
وهذا انت يا حبيب الروح شايف ..
كل شي مثل اللي كان
وحالي طيب
يسعد صباحك .. يا حبيبي

هذا ضي الصبح .. او هو بعض نورك ؟!
هذا همس الورد .. او دافي شعورك ؟!
منهو مثلك في غرورك ؟!
جيت متأكد بـ سامح ..
راسم الطيبة ملامح
ماهو بدري !! ..
انت تدري
ما قتلني غيابك اكثر من حضورك
ايه كان العمر داكن ..
ايه كان الهم ساكن .. وقتي بعدك
بس أنا يا ضيّ عمري ..
كنت عودت الأماكن تألف بعادك وصدك
ياللي ما يرضيني ضعفك ..

ما أدري أنثر فوق كتفك أغلى دمعي .. أو / أردّك ... !

شوقنآ

صبآحك أمل يعانق مبسمك ..,