تكذبْ /,





أهلينْ ودّ ,

البارحة كانتْ تكذب عليّ ,

سألتهَا عسى ماشرْ وش في خاطركْ عسى ماجدْ جديدْ وعكرْ مزاجكْ !!

قالتْ والله أبشركْ كل شي زين والحمد لله ,

وأبشركْ إني مبسوطةْ وزانْ حالي عن أولْ ,


كانتْ تكذبْ عليّ وتظن إني مصدقْ !!

بس ماكنتْ أبي اقولهَا تكذبينْ لأني أحس وأدريْ إنهَا كذابة ,

وأدري إنه صَار أشياء بالأيَام اللي راحتْ عكرتْ مزاجهَا بس ماقالتْ لي شي منهَا ,

حتى كثيرْ من الأشياء اللي أنتِ قلتيهَا لي يا ودّ ماقالتهَا لي أمس يوم سألتهَا !!

غريبة !!


تدرينْ وش كَانت تكذب فيه يا ودّ ؟

تقُول إني نسيته وإنه ما مَر على باليْ الأيَام اللي فاتتْ !!

تخيلي تكذب علي تقُول ما مرْ على بَاليْ !!

ياوخيتيْ أحس أنَا بدون ما تقولينْ ,



وعلى فكرهْ أرسلتْ لهَا اللي تقولينْ الوصيهْ ,

قلتْ لهَا تقولكْ ودّ ,

لو شفتيه أو مر على بالكْ قولي لهْ ,


{ تذكرني متى ماتريدْ وتنساني متى ماتريد
غلاك أصبح وهم قصة غرام"ن" غير مشروعه


حرام الحب تلعب به كذا في هاجس التغريد
وتدري في حنان الزيف قلبه يوم وتلوعه }


بس مدري حسيتْ إنه ماعجبهَا الكلامْ ,

ع العموم لا تشغلينْ بالك يا ودّ كلهَا فترة وبرجع وبشوف وش آخر الأخبارْ !!

ولو صَار أي شي جديد عطيني خبرْ ,

بس والله إنهَا تستاهل كل خيرْ ,



وداعتكْ ربي ,

* مساء الخميس
14/8/2008
8:29
لندن