تعال وأترك كل علم ٍ بلا روح = تعال خل الناس ضايع وصاحي
تعال ما فالبعد غاية ومصلوح = تعال في قربك لقيت أنشراحي
يا فرحة الدنيا ترى القلب مجروح = متولعٍ صوبك كسير الجناحي
مسموح لو زدت المشاريه مسموح = انا معك دايم يا سيد الملاحي
شفت الحمام اللي يغني على الدوح = ترى يردد ونتي والجراحي
يا حب يا تحنان يا قمة البوح = يا شي يصعب في خفوقي يتاحي
انا عشقتك عشق عن كل مملوح = ولا همني كثر العتب والنياحي
الروح وش هي بعدك الروح يا روح = روحي معك دايم وقلبي مباحي
تعال شفني فوق الأهاات مطروح = صوتي عجز ياصل حدود أرتياحي
تعال ما فالبعد غاية وصلوح = تعال خل الناس ضايع وصاحي