16-11-2008, 00:17
|
 | يمكن... | | بداياتي
: Sep 2008 الـ وطن : على البحر
المشاركات: 143
تقييم المستوى: 0 | |
 ضـيقـة الــــبـــال ....
يـاصاحبي واللـي ورى ضيـقـة البـال ...
لـه يمكن أكـثر من سنـه في مكانـه ...
أزريت لآقـوله .. وهو صعب ينـقـال ...
والأصعب أكـثـر لو تركـته وشانـه ...
الصمت وافي .. لكن المشكله طـال ...
و أن طول أكـثر .. بأعتبرها خيانـه ...
الى مـتى و أنا على نفس هالحـال ...
ان جـاد صوتـي قلت ماهـوب أوانـه ...
مليت أداري خاطر الناس .. الأزوال ...
حتى ملت صـدري جـروح الميانه ...
يا صاحبي في ذمتي ودي أحتـال ...
على جروحي لكن .. " الشعر أمانه " ...
القاهـ غير إذا تساون الاقـوال ...
ويلقاني الضلع ان سعوا في طمانه ...
اذا كتبته أشعر ان التـعب زال ...
واذا قراني نـال قـدر ومـكانـه ...
وانا التعب فيني من الجـال للجـال ...
يكبر ويبقى طيـشـه وعنفوانـه ...
هذي سنه .. وأنا مجاهيم الأنذال ...
تدك صـدري .. بين جهـل ولعانـه ! ...
ياقلهم وقت الشدايد والأهـوال ...
ويا كثـرهم وقـت الرخـا والليانـه ...
أطيبهم اللي لاغدت صلف وثقال ...
حملي على متني وحمله وزانه ...
الله يعدل ميلة الحال لا مـال ...
والله يجنبني دروب الهوانـه ...
ياصاحبي .. صبرك عليّ تو مازال ...
عندي كلام .. و ودي أطلـق عنانه ...
انا اذكر اني قلت يا طيب الفال ...
كلمه لها في صدري اليوم خـانه ...
( طـاح الشـجـر .. ولابـقى حولي ظلـلال ) ...
( الا ظلـلالي يـجرح الشـمس شـانه ) ...
ياصاحبي واللي ورى ضيقة البال ...
اللي له أكثر من سنه في مكانـه ...
الأرض ضاقت وانكرت وجه رجـال ...
غريب لـكن غربتـه عن زمـانـه ! ...
الـشـاعـر / مـحـمـد الحـويـمانـي
____________________________________
ظلي معي يا شمس
خل ننتظر بكرا
يمكن كل الأمل بكرا
|