.



صباح .. صباح .. أمممممم

طيب ..

عمرك جربت أنك "تنوم " و "تصحى " على شوق الخالد
نصيحة جرّب .. راح تعرف أش كثر الحياة جميلة و فيها ناس تستحق : ) ..

عمرك جربت أنك تقوم "رايق " و المزاج "صافيّ" و تبدأ تتشرط
و تبي "ستار بكس" وتحديداً "موكا" بعدين تتذكر أنك مفلس
بسبب أو والدك يبي يعلمك على عدم التسيّب والمحافظة
على التوازن في الصرف وتنطق إلين الراتب الجاي ..

عمرك جربت تنجبر على أنك تسوي القهوة بنفسك بعد أن
"تكرفست آمالك " و تفطر لأول مرة خبز وجبن و شاي ..


عمرك جربت تخلص شغلك قبل وقت الدوام بساعة كمان عشان
الآمال اللي بنيتها ..

و عمرك جربت شوق تقولك "ياحرام بتداومون و انا بنوم"
- الحين من زين صباحي تزودينه عليّ -
ترد عليها عشان تمشي أمورك
"عادي" وترد تقول "كشمة ..! " < إلى الحين ماتعرف معناها ..


لكن إلى الآن مازلت محافظة على هدوء وروقان أعصابي
يكفيّ أنه" الإثنين "


و ياعلّ صباحكم تحقيق أمنيات عكس صباحي تماماً








.