عديت عصر ودرج الحجر من مـاه
والقلـب عيـا يستمـع فــي مشـيـره

يــا ونـتـي يـابـدر قـلــت آه ثـــم آه
علـى ثمـر قلـبٍ غــدى بــه دبـيـره

وجدي على من راح يا بدر وجـداه
وجد الطريح اللـي عظامـه كـسيـره

خـلـوه ربـعـه فــي نـهـار الـمـثـاراه
رمـوه عنهـم فــي نـحـورالمغـيـره

جايـن لدمـع العيـن يـا بـدر مسقـاه
يسقي القطيع اللي صفت عنه بيره

لـو ينشـرا بالمـال برهـج ضمـايـاه
صـدّر بعـد معطـان قـاض صـديـره

عينـي تهـل الدمـع مـن بعـد فـرقـاه
مثـلـي جـــداه الـدمــع يالله خـيــره

وا جـر قلـبـي جــر غــربٍ بعـرقـاه
مـن عيـلـمٍ عـوهـن هـمـاجٍ مـريـره

علّـق سريحـه فــوق زرقــا معـفّـاه
هـزع الـوروك إمتونـها مستـديـره



حصه بنت غــلاب