أهز غصن الشجر وتطيح تفاحة
.................... وأهز غصن العمر وتطيح لي ذكرى

وأضيع مابين ضيق الصدر وَ الراحة
.................... إلين ربي يعجل بـ الفرج بكرى

اليوم يكمل لنا شهرين بـ جراحه
.................... وفراقنا كل يوم ببالنا يطرى

يا غالية يا بعد هالعمر وأفراحه
.................... يالمزنة اللي لفت يوم الـ حشى قفرى

إن كان خوفك علي فالنفس مرتاحه
.................... يكفيني إني قضيت سنين ما تشرى

بكره يبان الظلام وتفرح أشباحه
.................... ويحول بيني وبين مناظرك غبرا

وأشوفك بحلمي اللي غاصت رماحه
.................... في صدر مستقبلي من قلة الدبرا

غيبي .. وكنك على هالبعد مزاحة
.................... وآبأبتسم لك وأنا تخنقني العبرى

وآصك باب اللقى وآشيل مفتاحه
.................... وأروح .. طرقي لقاله بـ الخلا مسرى

ما أحلى الوداع إن ترك بنفوسنا راحة
...................... وما أقسى الحياة إن بدت يا غالية بكرا