.







وصلنَا لِـ الأثنين وياسرع هالوقت بالرغم إنَّا كنا مضغوطين شيء موب طبيعي .. أختبارات جامعتنا "كلية الأدآب" حفظها الله : ) ..
ضغط ورا بعض ..المواد ورا بعض .. الوحدهـ فينا مايمديها تنتهي من المادة وتفتح عيونها إلا تبدأ بمادة ثانية ألعن في دراستها و في أسئلتها ..



السبت ../
"English Literature"بالعربي"تاريخ الأدب أو الأدب الإنجليزي" ..كان من أجمل الإختبارات على أنو أنا مو شاطرة بحفظ الأسامي و التواريخ مره زين بس الحمدلله كنت أحل و أنا مستمتعة جداً حتى سلمت الورقة بنص الوقت من مجمل الوقت الكُليّ لِـ الإختبار .. <<لاتقولون لِـ ماما
ويوم طلعت البنات يقولون زين وماشي حاله يعني أهم حلو لِـ الشيء اللي يوصل للنجاح .. بكلا الحمدلله ضامنه الاجتياز منها ..



الأحد .. /
"السلم" .. كان ثقافة إسلامية و خمس ملازم ومواضيع متشتتة و أدله كثيرة كانت دراستها ممتعة بس اللي يقهر وينرفز أن هالمادة مانفتحها إلاّ بليلة الإختبار أهي مو هينة لكن عندنا مواد تكون ساعتها أكثر و تأثر على المعدل .. المصيبة و المصيبة .. يوم بندخل لِـ قاعة الإختبار كل الحفظ كان قراءة و بس ..يعني مضبطين وضعنا اجاباتنا بتكون على فراغات ..اختياري ..صح خطأ .. ولاتتعمق بالأسئلة المقالية لأنَّا راح نجيب لها العيد ..
أول سؤال كان صح وخطأ السؤال الثاني دليلي وكان فيه أربع أدله و عليه 15 درجة..يعني بالعقل 15درجة على أدلة ليه ..! .. طيب لنفرض أني حافظة الآية وغلطت فيها حتى لو غلط بسيط موب الله بيحاسبني على هالشيء .. عندي أنقص بدرجتها ولا أكسب إثم بنفسي و أتحاسب عليه .. وعلى هالرتم كانت أسئلتها ودرجاتها .. نسبة النجاح 60% و إن شاء الله ننجح فيه مانبي شيء إلا أنو ننجح ..



الأثنين .. /
"phonetics"بالعربي"علم الصوتيات" .. وما أدراك ماالفونتكس .. الفونتكس مادة محببة لي مررهـ إلى درجة أنو كل يوم أذاكرها لوووول .. الصراحة هالمادة تأسيسها لي كان خطأ ومابني على باطل فهو باطل عشان كذا ماراح أحط أي توقعات لها : ) ..
شيء يضحك يبكي .. السؤال اللي حالينه أغلب الطالبات ماحليته واللي ماحلوهـ أنا حالته وكامل : ) ..



الثلاثاء .. /
"essay"بالعربي "مقال" .. هذي المادة الكل طلع وماحد حل فيها .. شكراً مس "×××" على الأسئلة التعجيزية اللي تبين نحلها .. وصدقيني صدقيني موب زعلانه <<اللي درت عنك



الأربعاء .. /
"translation"بالعربي"الترجمة " .. لحسة مخ بس والله حليو .. بهالمادة تذكرت عائشة المعمري لأنها متوقعة أن اختصاصي ترجمة : ) ..



السبت .. /
"Drama"بالعربي"مسرحية" .. يالله ..يالله .. كل الفوكابلوري اللي أعرفهم بالأدب الإنجليزي كتبتهم وكل الإشتقاقات للكلمات شكيتهم .. يالله سبع صفحات و أنا كل ماأكتب برقراف أتحسب عليه موتنا هالمصري من كثرة الهرج ..المشكله أنهم يقولون يحب السواليف ..يحب يحس أن الوحده فاهمه ..و أنا ماقصرت جبت لها كل السواليف حتى بغيت أقوله بالويك أند شنو مسوية بس الوقت ماساعدني لأن الإختبار ساعتين بس ولا نويت ...



الأحد .. /
"Reading"بالعربي"قراءة واستيعاب" ياحبي له .. القطعة جايتنا عن أوباما .. وبما أن أوباما قريت كتابة فعندي معلومات مااحتجت أنو أقرأ القطعة واجد إلاّ إذا شكيت بشيء بس : ) ..



الأثنين .. /
"thinking skills" بالعربي "تنمية مهارات " .. يازينه بس يكفي أن التصحيح آلي بحد ذاتها نقلة قويّة تُحسب لِـ صالحنــا .. عسى كل الاختبارات هيك بجد راحة موب طبيعية ..




طبعاً خلاص اليوم الإثنين إجازة ..طلعنا للبيت متأخر على أن الإختبار خلصناهـ 9ص بس قعدهـ وسواليف يعني على الـ 12م رجعت للبيت إلى الحين من الفرحة موب جايني نوم و هم ماأدري وين أروح فيه خلاص حاسه بِـ"freedom".. حتى لو اليوم ماأحد بيطلعني على أنو الوالد باقي له رد عزيمة أولا وسالفة البر ثانياً مالي خصّ طالعة البر طالعة .. فياليت أي أحد يحس أنو لي كم أسبوع ملطوعة بين هالغرفة و الكتاب وقلة النوم يطلعني .. ولو مافيه أهم شيء شعور أنو ماورايّ شيء هذا بحد ذاته نعمة و الحمدلله اللي طلعت سالمة من هالإختبارات مافي عاهات مافي تعب نفسي هو فيه بس عاد أُصبت بتبلد بهالجامعة ..

أخيراً ..
ألف مبروك لِـ كل اللي أنتهوا من الإختبارات و عقبال ماتشوفون النتايج وتستانسون و يزول تعبكم .. اللي كان مو متأكد من حلوله أو شاك أنه بتطلع له هاه كم مادة مو مشكلة "قل لن يُصيبنا إلاّ ماكتب الله لنا" ..
الأهم أنو رئيسة القسم ماراح تطلع النتائج إلاّ بعد الأسبوع الذهبي أبو عشر أيام ريحوّا و خلّوا ملائكتكم ترتاح .. ومردكم للجامعة و الكرف وهم نكد أول أسبوع وصدمة النتائج .. الحين لاتفكرون إلاّ بِـ الإجازة وبس وبعدها يحلها ألف حلال ..

شنو شنو بعد ..!
أمممم ..
يب ذكرت .. الحين كرفنا بهالجامعة من 10-10 إلى 20-2...
يالله أربع شهور و عشر أيام والله عمر :s ..
دعواتكم ليّ بِـ النجاح والمادة اللي موب تمام عسى الدكتورة تعديها و أهي حاطتن ممتاز مرتفع ..


برايفت وبعيد عن كل شيء ../
هنوفتي يابعد هالدنيـا المواد اللي ذاكرتهم معها كانت جداً رائعه مذاكرة تاريخ الأدب الدين الفونتكس لا وحوست فيه الرايتنق الترانزليشن الدراما ومكالمات الجمعة بالصباح والتكمله بالماسن الريدنق و البلياردو مع فنو السكيلز و الطفش من المذاكرة يالله أيام أيام بجد ماراح أنساها .. الله يوفقك يارب ويسهل لكِ آختباراتك .. بجد مذاكرات الماسن معاكِ أجمل شيء : )

دنو و فنو أسوم ق و أسوم د و حنون و منو و ألول و نوني الله يوفقكم يارب ويبلغكم النجاح وهم أنا وياكم : ) ...


آخر يوم دراسي للفصل الأول لعام 1429هـ -1430هـ <<حفظتها من كثر ماتشكه بعد أسمها في كل ورقة إختبار : ) ..

cheeeese
&
be smile


الأثنين 16-02-2009م






.