.
مساء الخير ..
تَأجلت نتائجنا إلى يوم الثلاثاء و أنا أصبت بِـ احباط شديد لأني يوم رحت السبت مالقيت شيء .. وحسيتني بجد مالي هدف بالحياة .. كنت أبي أداوم بس مالها داعي ..يعني بالله شلون أبدأ سميستر جديد و السميستر اللي طاف ماأعرف شنو سويت فيه من مصائب .. يعني أنا فكرت فيها لو أنا حاملة مادة وحده من الدكتورات مايصلح أبتسم لها لازم أكشر لازم أكرهها أنو ليه خلتني أحمل الماده لازم لازم هالشيء : ) ..
كان بجد يوم لا أحسد عليه يوم السبت وزعلت مرهـ و ساكته طول الوقت اللي مالي نفس أتكلم و لا أسولف بأي موضوع .. أحباط عام في جميع أركاني .. و الله أرد البيت و على الظهر أنوم أليـن تقريباً الساعة 8 م .. ما أحب فيني هالشيء لمن شيء يجي موب على حسب تخطيطي .. أو على حسب اللي انقالي لي أستخدم هالنومات الطويلة و أجبر حالي بالخضوع لها ..
مارحت الجامعة اضراب هيك مابي ياتعطوني نتيجتي يا أنو ماراح أداوم .. عاد مر الأحد و قلت يالله نروح نشتري ملفات و خرابيط الجامعة وكم كتاب نتسلى بقرأته و هيك ..
اليوم كنت نايمه و بأمان الله ويدق جوالي المتصل "فنو" و الله و أطالعه وماقدرت أرد عرفت يا أنها بتقول تعالي خذي نتيجتك ياأنها بتقول حاملة مادهـ او مادتين والباقي نجحتي فيهم .. من الخوف مارديت ..فجأة تجيني رسالة منها أنو
نجحت و أنو الحمدلله كل قروبيّ ناجحين ..
الشكر لله بهالنجاح أولاً و أخيراً .. و هالنجاح أهديه لِـ والداي بعد الله والله يكفيني خوفهم وسهرهم ودعواتهم .. الله لا يحرمني منكم و الله لايحرمني من فرحتكم و لا من سعادتكم .. خواتي خواتي اللي بس سواليفهم ترد الروح و هم يعطوني دافع معنوي عشان أسوي اللي أقدر عليه و أثبت وجودي .. صقيقاتي كلهم هنوفه و أسوم د و أسوم ق و فنو و حنانيّ و من من و دنو و ألول و نونيّ و جوجو .. الحمد لله أنو نجحنا و ألف شكر لكم على وجودكم معي ..
شفتي هنوفه سهر الليالي و مذاكر الماسن تفيد منو قال أنها مضيعة وقت وطق حنك بس .. ياآآهـ أش كثر راح اشتاق لها
.. و الحمدلله أنو أفتكينا من هالسميستر و من د .××× .. والله يكتب الخير بالجايات : ) ...
أهداء للجميعنا : )
http://www.6rbtop.com/library/resour...en/3791_hi.ram
شنو بعد .. أيه رواية مَهل وصلتني اليوم على البريد وببدأ بقرأتها .. سعيدهـ أنها مكافأتي لِـ نجاحي .. شكراً بابا لأنك جبتها لي من البريد بهالجو العاصف : ) ...
فرحتي لا توصف بيوم ا
لأثنين ..
02-03-2009م
.