**

ياهيه ياللي هجيره يشبه الــ فيـــه
ياللي غلاتـــه حدتنـــي أسكــن سكــاتي
لك داخل الصدر جــوريــات محميــه
ماظن تذبــل ولاهي لوصـلك تحاتي
الــحقت كيــات وقتي منك بكـــيه
وأعطيتني كل شئ ضــد مشهــاتي
يستحيــل الكــي .. من يعطي عــلابيه
وأنــا أتحمـــل سخا قلبي وخيبـــاتي
عودت عينـــك على الروحــات والجيـــه
وعودت عينـــي على تبذيــر دمعــاتي
خليت فيك الزهــر والنرجسانيــه
وخليت فينــي عمى عينــي وشرهــاتي
كنــت أحسبــك غير كل الغيـــر وهنيه
زارعـــك مابين *عـــوج* .. وبين نظراتـــي
تسري على الخافق وتسارحه شويــه
وتمرح بعينـــي غصن غطـــاك عبراتـــي
أحسبك ياغصــن قلبي فيك حنيه
وإليا كبرت بتداوي كل آهــاتي
كبــرت وأخملت فينــي دون ماويــه
وحــالي أثمرتك حصيله للقريباتـــي
ودورت لك خملـــةٍ تغنيــك عن ميــه
ولي الشــــرف كبر عمـــري .. كل خملاتـــي
مابرت لكــن .. صـــارت بورتــك فيــه
ياغصن ياللي خســاره فيك دمعـــاتي
كأنك نويت الهجـــر وأنــا .. .. .. ..
لاتدعـــي إن العــذر في خنجــري بــاتي
دور مع القــوم لاشديــت نشميـــه
شليلهـــا مايســاوم بالجنيهـــاتي
روح على الكيف والشرهــات مكفيــه
قبلك على الوقـت ماصــدرت جولاتـــي
ولاجيــت نجــدات قل ربعــي .. جــلاويــه
وابجعل اللوم والتقصيــر من ذاتــي
وروح ترى نيــة الإنســان مطيــه
وكـــلٍ على نيتــه مبعوث لا مــاتي
وأنــا بعــد كيفــي لو أقعد خــلاويه
أخير من عشـــرٍ تديــر نياتــي
وأعرف تــرى ماتخيرتــك قدرليــه ..
ولاأختــرت فـــرقـــاك أنت أخترت مافــاتـــي
تبقى على هامـــتي من فوق شخصيه
وتلميذي الفــذ في دفتـــرعلامــاتي
وضحكتــك ماتنســى .. ضحكتــك سحـــريه
حفظتهــا وأعتبرهــا طــب حســراتي
أمــوت في حســرتي وأحيــا طبيعيــه
كله على شـــان عذالي وشمـــاتي
قومــي أطفي النـــور .. دام الـــروح مطفيــه
تعبــانه .. أبنــام ياللي حزك شكــاتـــي
وإنمــر طـــاري وذكـــرنـــي بطــاريه
أقــول :
مــاعنــك ياطـــاريه سجـــاتـــي ..
بس خبـــر اللي جروحــي منه مخفيــــه
يحشم لي الوصـــل لامن مــر بأبيــاتي


**