** .. **

جــاني يقـــول :
الهــم يابنــت مشقيـــك ..!
لا واحســـافه كيف قلبه يطيعـــه ..؟
قــلت :
أبتــعد لاتسمـــع جــروح مغليــك
ماودي بدمعـــك يغرق ربيعــه
قــال :
الحــــزن .. وشم على ربـــــوع خديـــك
حتى الليالـــي من طعونـــك رضيعــه
كأنــك نويت البعــد يابنت وش فيــك ..؟
ردي ترى صمــت المــوادع فجيعـــه
قلــت :
البكـــى طول وأنــا اليوم بعطيــك
قصة شقـــأي وخوذ حزنــــي .. وريعـــه
أبكي جــروحـــي وأبكـــي الحظ وأبكيــــك
وأبكي زمـــانٍ ذل نفـــسٍ رفيعـــه
وأبكي البــــرأه والرجــا ((الله يخليــك ))
لاتبعــدين ووسط قلبك وديعـــه
ماتنفع الذكـــرى إذا مــر طــاريك
يجــزل عظيم الطيب يحكـــي صنيعــه
قــال :
أسكتــي .. تكفين ربي يجــازيك
هذا الزمــن إن طــاع وإلا نطيعـــه ..
يابنــت كأنــك ليل في عيـــني أسريـــك
وكنــي نهـــار فيك شمـــسه طبيعه
أدري عليـــله .. ياعسى الروح تفديـــك
وأدري جـــروحك من ألمهـــا فظيعــه
ومتأكــد أنك نجمـــة فوق عـــاليك
ماترضخـــين .. لكل نفسٍ وضيعه
لاتلفتين الطــرف للي معــاديك
كفي المــواجع لاتصيـــري تبيعــه
قــلت :
العفـــو ياسيــــد النـــاس يابيــــك
من حالتـــي ضاقت عليه الوسيعــه
والضيق من زوده مع الوقت ينهيـــك
انظر لحـــالي .. وأنت تعـــرف صنيــعه
ياسيدي أشكـــرك .. وأشكـــر مســاعيــك
وأشكــرشعورك يوم جدت بنزيعــــه

** .. **