في كل مرهـ أدوّن شيء .. أحس أنه راح يكون الأخير .. مُجرد الأحساس اللي يخليك تشوف الدنيا سوداء بعد و كل شيء .. بهالأسبوع وصدقاً كل اللي أحبهم كانوا بقربيّ .. وكانت كل علاقاتي بالآخرين مبنيّة على الحُب و الإبتسامة .. و بهالمدونة اللي الحين قاعدة أكتبها دموعيّ تغطيّ كامل عينيّ .. حالة الاختناق من كل شيء بدأت تحسسنيّ بِـ أشياء أخرى .. حلو لمن يكون اللي حولك راضيّن عنك .. و بتصرفاتك .. و بإحساسك تجاههم .. حلو لمن أشوف ضحكة أبويّ مع مشاغل هالدنيا وتعبها .. حلو من أجلس مع ماما و أسمعها تسولف لي عن جارات الحيّ و عن بناتنا و عن أمهاتهم .. حلو لمن أشوف أخوانيّ بكل مكان وكل واحد فيهم مرتاح ومبسوط بحياته .. حلو لمن أسمع الوالدهـ تكلم أخوي بكندا و بعيونها الشوق وتكابر على نفسها .. و القعدهـ اللي ماعاد أقدرها و أقوم أظلّ لوحديّ لأن أشوف بقرارتيّ دمعتيّ لي و لي لوحديّ بس ..


كثير من الوقت اللي مضى .. وكثر الناس اللي فقدتهم بِـ أساليب مختلفة خلانيّ أشوف الحياة جميلة لمن حنا نبي نشوفها كذا .. ونشوفها و لاشيء كمان لمن نبي حنا نشوفها كذا .. نظرتنا وحدها اللي تحكم على ابتسامتنا أو تكشرينا لِـ الدنيا ..


السبب الوحيد اللي ماأعرفه إلى الحين .. مع أن هالشيء المفروض ما أسأل أحد فيه .. أو حتى يشاركنيّ هالسؤال .. أنا من النوع الخجول جداً جداً في عمليّة اظهار شعوريّ لِـ الشخص اللي قداميّ .. حتى ماماتي و بابابتي نفس الشعور معاهم .. أشوف أخواني و أخواتي تعاملهم معهم غير .. و أنا في حالة جيت سلّمت على رأس ويد والدي و جاء خمنيّ الدموع تحاصرنيّ .. ما أقدر على ضمته ليّ .. يألمنيّ ما أعرف السبب.. و أتألم أكثر أنيّ من هالنوع اللي مايقدر يتحدث عن مشاعرهـ..
يوم عيد الأم المَاضيّ .. و لِـ أنيّ ما أقدر أتكلم عن مشَاعريّ .. شريت لِـ ماما هديّة و كتبت لها بظرف كل اللي أبيّه .. وعلقته لها على يد البَاب .. و عشان ما تجيّ يميّ بالبيت .. رحت لبيت وحده من خواتي و قعدت معاهم أليّن ثنتين الفجر ..



لِـ كل اللي حوليّ .. لِـ كل اللي يحسونيّ في السديم الشخصيّة ذاتها ويجالسونها .. لكل اللي يشدون يديهم بيديّ .. لكل اللي بعدت عنهم فترة ورجعونيّ لهم .. لكل اللي كانت حياتهم حياتيّ وكنا نكمل بعض بكل شيء .. لكل اللي فرقتنا الدنيّا و صرنا بموقع يمكن تجمعنا أو ماتجمعنا .. لكل اللي عرفونيّ صح .. ولكل اللي أنصدموا منيّ بتصرف .. لكل النَاس اللي مايزالوا يتذكرونيّ .. لكل شخص غيّرني و علمنيّ خطأيّ ..



شكراً على كل شيء قدمتوهـ ليّ رغم أنيّ ما أستحق .. شكراً لوجودكم بجنبيّ .. شكراً لدعمكم ليّ .. شكراً لتحملكم مزاجيتيّ .. شكراً لِـ ابتسامتكم في حالة صمتيّ .. شكراً لأنكم أهديتوني مشاعر كانت لكم وحدكم و خليتونيّ أشاركم أيَاها .. أنا أسفه على أيّ جرح سببته لكم .. أو أي حركه أنا سويتها معاكم و تألمتوا منها .. تظلّون "أنا " بكل الأحوال .. و تظل مكانتكم أهيّ نفسها و ماراح تتغير بِـ أذن الله .. أعذرونيّ لو كتبت لكم هنا .. بس صدقوني الكاتب قليل الكلام كثير الكتابة .. و أنا للأسف من هذا النوع .. من النوع اللي مشاعرهـ تتحول كلمات على ورق .. أتمنى مشَاعريّ توصل لكم .. و أتمنى أستحق بجد هالإهتمام منكم .. شكراً لكم بعدد نجوم السماء ..






السبت 25-04-2009 م