.




كثير الطرق اللي تكون مسدودة بوجهنَا وتخلينا نروح ندور على طرق جديدهـ ومنَافذ غير .. بحد ذاته هالتفكير يخليك تحلل وتستنتج و تحاول ترسم الخُطط الصحيحة عشان تعزم وتتوكل .. لكن أحيَان تجي حالات حتى التفكير ماودك فيك .. يعني لقيت الطريق مسدودة معناهـ تفقد الأمل بكل شيء و ترضى بالأمر الواقع .. تدهور الحالة النفسيه و عدم وجود أحد بقربك يعطيك الدافع بالكلمه أو بالوقفة بحد ذاته يخليك واقف قدام الباب المقفل و ترجع لِـ أدراجك ولا كأن شيء صَار ..




هالحالة أصبت فيهَا .. على أن مافيه أيّ شيء يستدعي أنها تتراكم عليّ بهالوضع ولا فيه أمر تستند عليهِ أو حتى نقطة معينه تبدأ من خلالها البحث عن المشكلة و معالجتهَا .. توصل مرحلة تكره فيها نفسك واللي حولك وتنعزل عن العالم الخارجي و أسلوبك يتغير مع اللي تحبه واللي ماتحبه و اللي أنت رسميّ معهم و اللي أنت تتبيثر عليهم ..تبدأ الموازين تختل و التعامل مع الكل يكون بنفس المستوى .. حتى اللي قبالك يستغرب اللي قاعد تسويه .. و أنت مو حاس بهالشيء .. أهو يتألم منك و أنت تتألم من شيء مجهول ..شيء ماتعرف شنو بيوصلك له أو شنو آخر احتمال راح يضعه الشخص الآخر عشان يعطيك حريتك ..


بجد الحين وديّ أغير رقم جواليّ وكل أرقام العائلة .. أبي أغير إيميلي و أغير أسميّ و أحاول أبدأ من جديد .. بمشاعر جديدهـ وصداقات جديدهـ .. أبي هالحياه اللي مخليّه كل اللي حولي يعانون منها ......... {مبتور , و البقيّة تَسكُن دفتر مٌذكراتي خوفاً من فهم الآخرين ليّ بِـ طريقة خاطئة } ....






السبت 23-05-2-2009 م