كيف تعرف أنت من أي نوع من الشخصيات .. و كيف تقدر تحدد ذاتك وتصنفهَا ..!
أحيان أكتشف أن هالشيء تساؤل عظيم لكن بالأخير مو مهم .. الأهم تقبل الأطراف الثانية لك .. و لتعاملك معاهم ..
وكيف أنت .. قريب منهم .. بعيد عنهم .. تحاول تتقرب لهم حتى بتغيّر ظروفك .. يظل السؤال .. أنت قدمت لهم شيء يخليه ذكرى طيبة لك أو لا !
كثير من الأشخاص نعيشهم ونعيش معاهم .. نقاسهم كل شيء .. نهديهم أرواحنا .. نعطيهم قلوبنا .. نحاول نتواجد معاهم بِـ زين الوقت و شينه .. و أهم يبادلونا نفس الشيء .. يكونون ويانا روح .. و يكونون بقربنا جسد .. يحاولون قد مايقدرون يسعدونا .. و نحاول حنا بعد نرد لهم هالجمايل الكثيرة اللي يعطونا .. و فجأة و بعد مدة نكتشف صفة سيئة من هالصفات اللي فيهم .. تكون شيء مؤلم .. شيء يجرح اللي بداخلنا .. و يخلينا مصدومين فيهم .. مو مستوعبين اللي قدموه لنا من قبل .. و اللي أهم يعيشونه .. صفه كانوا ينبذونها .. و يعلقون بِـ النقد على اللي تكون فيه ..
صدمة ..!
تكتشف هالشيء فيهم .. و بالمقابل ماتقدر تنطق بِـ كلمة وحده .. تحاول تبيّن لهم أنهم غلطانين .. و أن هالأمر ماتوقعته منهم .. ماتدري بوقتها ليه مو قادر توقف بوجههم تعاتبهم .. أو حتى تعلّق بالنظر ..
و المُشكلة ..
يجون يحاولون يبينون أن الخطأ مو خطأهم .. و بوثوق تام .. يزيفون هالصفة اللي فيهم ..أو اللي تجددت معاهم .. رغم أنك أنت متأكد من اللي شفته .. أو حتى من اللي انجرحت منه .. و أهم يبينون لك العكس .. و أنت تحاول تستوعب من الصح هُم ولا أنتْ .. ذاتك اللي شافت هالشيء بعقلها و بمنطقها .. و لا ذاتهم اللي أجبرتك تعيش بكامل عواطفك صدق كلامهم ..
و تستمر معاهم .. و يتناسون الأمر .. لكن أنت ليه ماتنسى ..! .. ليه يبقى هالألم منهم محتّل داخلك .. مو كان الأمر بيّدك .. كنت تقدر تبيّن لهم أن هالصفة مؤلمة .. ليه تكابر على نفسك و ترميها وراك .. وليه أحيان تجيّ ببالك و أنت معاهم .. و أحيان كثير و أهم يشكون لك من مشكلة أو أمر متعبهم .. تقعد تطالع ملامحهم .. و تسرح مع اللي صار لك معاهم .. مع الصفة اللي اكتشفتها .. و أنت بذاتك ألغيتهَا ..

تظل صفاتنا مانقدر نحددها .. و لا نقدر نحددها مع الأطراف الثانية .. صعب تقتنع بهالصفات اللي رسمتها وتنصدم أن صاحبها يحمل صفات يفاجأك فيها بعد مدة تعارف طويلة .. و صعب تثق بـ أي شخص وتهديه الروح و القلب .. لأن هالشيء معناهـ أنك راح توقف في صراع دائم بين عقلك و قلبك .. لكن مو معناه أن فيه أشخاص كثير يستحقون .. لكن متى نقدر نحدد ..!.. أو بِـ سؤال أكثر دقة .. متى نقدر نقول أن هالصفة مانحبها و بالأخير ممكن نكتشف إننا نرفضها من غيرنا و تكون فينا بدون ماندري .. و فوق هالشيء نحلف و نأكد إننا مستحيل نسويّه ..!






الثلاثاء 28 - 07- 2009 م