مالصوتى يالمشاريـه حيـل ولا عـزوم
وان تعديتي عتب خاطـري لا ترحلـي

هوّدي عن ثورة الشـك واقبـال الهمـوم
ليـن يجنـب تايـه الفكـر ولا يشملـي

سامح الله جرح الاحباب يوم وكـل يـوم
جرح تبريـه الليالـي وجـرح يعتلـي

وانت ياللي كل ماامسيت جابتك الحلـوم
مرني طيفك وفزيـت يـوم اقبـل علـي

ماغدت عنك المساري ولا بالنـوم نـوم
السهـر عيـت دروبـه وعيّـا ينجلـي

اسالـك بالله وامانـه وغيـره مـايـدوم

مانويتـك نيـة الغـدر وانكـار السلـوم
الغدر ماهـو بسلمـي ولا سلـم اهلـي

هد طيشك لايجي منك تجريحـن ولـوم
الله اللـى عـز قـدري وثبّـت منزلـي

غرتك نفسك وغررت بالقلـب الرحـوم
لين حلت اقصى طموحي على باب اجهلي

وانت لو تمشى دروب الغلا مع كل قـوم
ماحدن مقفـي بقلبـك ولاحـدن مقبلـي

والله انى قـد وسمتـك بكفّينـي وسـوم
ماتركت منك المياسم ولا ضلعـن خلـي

كم سنه مرت وانا اشرى بخفاقك واسـوم
والطعون اللي بصدرك تغيـض وتمتلـي

قلت لي لا تجرحين الشعور ابـلا لـزوم
قلت لك : مايونس الجرح غير المبتلـي

ايه احبك ايـه احبـك ولا فالحـب لـوم
والله ان لامااك شفّـي وصـدك مقتلـي

وان تباطيت الليالـي وعديـت النجـوم
انت خابر وش رضايه وتـدري بزعلـي

رح وانا ياصاحبي منك لو عشت محروم
والله انـي حبـك اللـي بقـى والاوّلـي