علميني كيف تجريح المشاعر = علميني كيف خنتي هالسنين
علميني هو بقى للشعر شاعر = أو بقى للجرح آهات وأنين
وش يفيد العمر دام الجوع كافر = وش يفيد اللوم دامك تنكرين
وش يفيد الدمع دام الحظ عاثر = والليالي غيَّها عيّا يِبِين
لو سألتك هو بقى للعذر آخر = أو بقى للغدر طعنه وترحلين
بَسْمِلي دامك نويتِ الجرح غاير = هاك كلِّي اطعني لا تبخلين
أدري إني في حياتك شخص عابر = وأدري إنّك لا رحلتي بترجعين
صورتك طيفك مكانك والدفاتر = صمتها يغتالني في كل حين
إيه أحبك يا بعد عمري وحاضر = للعذاب ولشقا واللي تبين
دامني ميّت حبيبي ليه أكابر = موتي بقربك ولا موتي حزين