بعدَ غَد سيكُونُ عِيدُ الوطَن / "عيدُ البَحرين" ..!
بحرِين ـي أنَا !
وأنَا طِفلَةُ البحرين الكَبِيرَة !  .. يااااااااااااا فرَح .. .. يا نوااااااارِس .. .. يا ياسمِيناااااات .. .. يا غرُوب البحرين .. .. يا دفء البحرين .. .. يا بحرنَا , وشاطِئنا , ومرفئنا , وشمسنا , وسمانا , وذاك النورس الّي هناك ! .. والفجر لمّا أروح وبابا عالشاطِئ , ونشوف النورس .. ونشوف الغروب , ويقول ليي بابا سارة شمّي ريح البحر .. تنفسّي وأنفاسه .. .. وأشوف البحرين في بحرها .. وترابها .. والأصداف الي أجمعها من وأنا صغيرة , وكل مرّة أجمعها أرجع أغسلها وأخبيها بدرجي , ودايماً ماما ترميها , ولمّن أعصب وأسوّي زعلانة , تقول لي بتروحين البحر وتجمعين غيرهُم ! .. أشوفها بأوّل يوم دراسي بأوّل ابتدائي , لمّن قالت المُعلّمة انتي غير عن كل الطالبات , وأتذكّر كان شنطة الأكل / تويتي , وداخلها : خيارة وحليب فراولة وسندويش جبن و لبن وشيبس , واذكر امّي واهي تقول لي سارة لا ترجعين البيت الا وانتي مكملة أكلك.. ! .. أشوف في البحرين ضمّة أمّي لي , وأنا بسادس ابتدائي , وهي فرحانة فيني .. .. أشوف في البحرين ضمّة أمّي وهذيك الصورة الّي ما تتكرّر !! وأنا جنب ماما وعلم البحرين الكبير , ودموع أمّي .. وهي فرحااااااانة , وانا أسئلها يُمّة انتي راضية علي ؟! , يُمّة أنا كل الّي أسويه علشان ترضين وتفرحين فيني , انتي فرحانة ! , وأشوف دموعها !! .. البحرين , الشهِيد خالي , وحبّي له !! .. البحرين , اخوااني , وشعوري وانا اختهُم الكبيرة الّي يرجعون لها دايماً ! .. البحرين , حبّي لزهراء اختِي كبير, ومتعلقة فيها لدرجة كبيرة جداً, و دايما لمّا أطلع مع صاحباتي أشتري من أي شي اثنين , لي ولزهراء , لين يوم سألوني وش سااالفتش سويرة ؟! , كل ما تطلع شريتي من كل شي اثنين !! , وأنا أفكّر أجاوبهُم أو لا ! , يمكن لو أسكت أحسن , وأشوف عيونهُم تنتظرني ..! وأجاوبهُم , حقّي وحق زهراء اختِي , وأشوف الدهشة وبس .. .. البحرين , أنا ومحمد خالي , وكل طلعاتنا , وندواتنا , ومؤتمراتنا , ودوراتنا , والتصوير والجنان , البحرين دمُوعي وانا اشوف محمد رايح لندن , ومحمد تكفى لا ترُوح , خالي لا ترُوح , وذيييك الدمُوووع , وبس لا تبجين , ترى أسويها ساارة وما أروح , و ساارة بس خلاااص , لا تصيحيييين , واشوف دمُوووع محمد !! , وياااااااه ذكرياااات ! .. البحرين كل صديقاتي , وذاك اليوم الي وصلني في سبع مسجات بنفس المعنى من أغلى سبع صديقاات على قلبي / سبحان الله , جد هذاك اليُوم كان غير , انّو يا سارة انا شفت المطر وذكرت جنانك بالمدرسة , سارة اكيد تلعبين تحت المطر .. سارة اكيد انتي مو لابسة زين عشان تبين تحسّين بالبرد .. ! .. البحرين , كل الدببة الّي هنا بغرفتي ! البرتقالي : ويندبّو , من مُعلّمة بصف الرابع , والأبيض : من محمّد لمّن رجع من لندن , والرصاصي : من خالي المصرقع , و البني : من عمّو بعيد ميلادي , وكثييير !!! .. البحرين ذيك المسيرة الكبيرة , وانا حاملة علم كبيييييير , وشعار "لا للتجنيس السياسي" , ورابطة خيط أحمر بيديني ! .. البحرين , أنا وابراهيم أخوي , كنّا بالبحر, أقول له ابراهيم , بروح بعيد علشان محد يشوفني , وباخذ راحتي وبركض , قال لي جاي معااج عن بروحج , مسوّي يغار .. يا زيييين الغيرة لا جت من الأخو , ويجي معاي , ونروح لبعيد , مكان هادئ وما في غيرنا , ونركض سواااا , يقول لي سارة جم عمرج ؟ أقول له بس 17 شويّة صح , ويضحك يقول لي كأنج سبع سنين , يالاّ نرجع بسـّ ج جنون .. وارمي عليه حفنة تراب ويركض والليل داااااكن .. ! وأحبّك يا بحرينِي .. ------------------------------------------------------------------------------------------------------------- مضَيْعَة بالعنوان وأنا أكتِب , . . . يا نَادِل .. ضَع فوقَ طَاوِلَتِي حُفنَة من تُراب وطنِي .. وضَع عَشْرَ ورقاتٍ بيضَاء .. وَ قلمَاً أحمَر .. ! ولُفَّ طاوِلَتِي بالشرائِطِ الحمراء , والبَالُونَات الحمراء فقَط .. تركتُ على طاوِلَتِك يا نادِلِي , صدَفَتِين! ضَعْهُمَا أمَامَ مقعَدِي وُحفنَةَ التُراب معاً.. أرِيدُ قِمَاشَاً أحمَرَاً أيضَاً ! وقلوباً بيضَاء , تُنصِتُ لِمَا سأكتُبُهُ لـِ البَحْرِين في ليلةِ عيدِهَا ! 16 / ديسمبر / 2009 , وفِي أحلَىَ من بحرينِي أنا !؟ ____________________________________
نجدُ الإجابة.. حين ننسى الأسئلة*
|