للريح .. لأغصان الشجر .. للعصافير = للتربه .. لوجه الخريف وجفافه
لـ أولى حبايب .. يافتات الطباشير = لآخر سنة ذكرى جروح .. وكلافه
رميت أكثر حزني وجيتك .. صغير = خايف .. ألا يا لعنبوها مخافه
من الظما .. لا صارت يدينك البير = ومن السهر لا صرت صبح .. ومسافه
من لي .. وأنا المجفي على اللا تباشير = من لي .. وأنا المقتول بسّ بلطافه
من لي ..!؟ ولا يبقى لضيقي أزارير = غير العزا في .. / منّك ولا تعآفه
أنا نديمك .. يالهوى وأنته كبير = وأدري كبرت .. وصرت بعيوني آفه
لبّستني ثوب الندم وين ما آسير = مشّيتني فوق الحصب والصلافه
ماهي غريبه لو تطول المشاوير = بسّ الغريب أسآفر لـ/ شيّ أخآفه
وإلا أنت .. عقّالك تدّق المسامير = على جدآر جنونها .. والخرآفه
شفني فتاتك يالهوى .. كيف أبآصير = حيّ .. وبقاياي السهر والكلافه

عبدالعزيز العنزي