جابكـ ان الله من غيابٍ ضيّق صدور المباني
قبل لا الوحشة تزعزع بيتكـ الصلب وتبيده
بيتكـ اللي من رحــلت وكل جدرانه تعانــي
ماتحمّل ينتظر شهرين , وعيونك بعيدة
الله العالم لو انّك جيت متأخر ثواني
ماتشوف إلا بقايا من حصاه ومن حديده
من عرفتكـ , وانت تايه من مواني لي مواني
وتاركٍ قلبي مولّع من وقيدة في وقيدة
ضاعت سنيني بس احدّ بهاليالي واتحداني
وانت ماتشبع غياب وماتخاف من النقيده
ودّي اتحمد لكـ بالسلامة .. مامداني
كل ماتوصل برحلة , ترجع برحلة جديدة
دام تدري كل وجهٍ لغير الله فانـــي
يا اخي اكسب لكـ ثوابٍ , وخاف ربكـ في عبيده
كان فيني عيب قل لي : فيني العيب الفلاني
كان هرجي مزعلكـ في شيْ قل لي : لاعيده

لعنبوكـ ان متّ بيدكـ ,, من يفككـّ من اخواني ؟
لا احزنوا ربعي علي على فرقاي وش اللي تستفيده ؟
انت منت اللي عشقته .. انت اكيد انسان ثاني
ليه صرت بهالبرود , وهالأحاسيس البليدة ؟
وين حبك للزعل . وإلا العنــاد الأولانـــي ..؟
وين حني زمان , وفرحة العمر الرغيدة ؟
وين ذاك اللي ليا اقبل مايبــات إلا بأماني ..؟
وين راح اللي ليا اقفى مايروح إلاّ فقيده ..؟

من جابه الله بس يامر ويعصاني

الوحيد اللي اخافه غصب . وامشي معه ( سيده )
(مابغيت أطيح بيده لين ماربي بلاني )
وإلا انا لو هي بكيفي ( مابغيت أطيح بيده )
ذاك بس اللي ليا من جيته يلخبط كياني
اللي بنظرة ينشف دم قلبي في وريده
قبل اشوفه اجمع له احلى القصايد والمعاني
وان لقيته ماعرفت اقول له جملة مفيدة
ألف مره قبله اعد القصيدة من لساني

قمت اخربط بالقصيدة
امدحه وانا ادري انه لو تباطاني نساني
انطحه . وانا اعرفه مجنون وافكاره عنيده
من يسوي بي سواتك يالرهيف الأسمراني
من هو من الناس غيركـ غلطته ترفع رصيده ؟
من يقص جناح طيرك وانت اعز انسان جاني ؟
ليه اخاف رماح غيرك وانت ضرباتك سديدة ؟
إن تبعتكـ . اتبعكـ من طيبي وواسع بطاني
وإلا انا لا جيت اكيد انسان ..

أقدر انزع لكـ ثيابي , والبس ثياب الأناني
واقدر اطلع من عذابي والعب بدوركـ واجيده
ومستعد اكسب رهاني .. لو بغيت اكسب رهاني
واخدعكـ باحساس كاذب . واتحدى من يصيده .؟
أبكـ انا لي شفت خلي حط غيري في مكاني
والله اني لا اتركه واصدّ .. لا عشق سيد سيده
جيت مابيك تحقرني جيت ابيك تعز شاني
جيت ابي فزعة ضلوعكـ من مشاعركـ البليدة
خلني داخل حدودكـ .. واجبر بخاطر زماني
أكذب بباقي وعودكـ .. واصدق بلحظة سعيدة
إنتشلني من برودكـ .. لو تولع بالمحاني
عطني إحساس بوجودكـ , واخذ كل اللي تريده
تكفى , واليا قلت : تكفى بيع خلق الله عشاني
لا تضيع من يديني فرصة العمر الوحيدة
يعلم الله شفت منكـ ومن غيابكـ ماكفاني
كان ماتقدر تخفف هم قلبي ...! لاتزيده
شف غيابكـ وش مسوي بالصدور وبالمباني
وانت تدري كيف كانت صدمة غيابكـ شديدة
والله انكـ لو وصلت متأخر ثواني
ماتشوف إلا بقايا من حصاه ومن حديده