 -
.
قبل عآم من الآن .. في مثل هذا اليوم بالتحديد ..
كنت منشغلة بـ " تجهيز القرقيعان " الذي لم يكن يفصلني عنه سوى ثلاثة ايام ، حيث لم يخطر ببآلي ابداً بإني سأصبح في يوم القرقيعآن على فجيعة تنهي كل خيوط الفرح التي تزين بهآ تفآصيل الحيآة ..
كنا انا وانت .. نخرج سوية ، نبتآع المكسرات والحلويآت ، تستفتحها بالسيآرة قبل الكل ، نآهيك عن الذي اكلته مسبقاً في المحلات .! ، تتذوقها تأكل منها مايعجبك ، تتركها بضحك بسبب صرآآخي : يخررب بيتك بس يكفي قضت الاغراض وحنآ مابدينآ ..!
- خلاص خلاص مب مآكل بس ابي كآجو تكفين ، عشآن اسمن يقولون يسمن ..!
ومآبين صراخنا وتعليقنا ضحكنا ووصلنا للبيت بالسلامه وخوضي مع الاغراض في حرب يقطعني صوت طرق الباب ..
- يآآآهووه اللي هنآآ .. قرقيعآآن .. بقآآله .. باجه .. افتحي نبي ربع كيلو مكسرات مشكل مع كيس صغير شوكولاته من كل نوع .. وواحد نسمه ..!
وافتح لك البآب لـ أجدك قد اتيت معك " كيس " لـ تحمّل بهآ " السهرة " مثلما اعتدت تقول ..
- مآآشآآآءالله وش ذآآ الزيين ماشاءالله ووينك يامحمد عبدالمجيد تجي تشوف ان بقالتك مب شي عند بقالة اختي .. مجمع لااله الا الله بس نآقص تجيبين آلة القهوة عشآن يعني اللي مشتهي كآبتشينو ولا شي تسوين له مره وحده ..
بس ترى انا مب مخسرك جآيب معي كيسي .. استريحي انا بختار اللي ابي واطلع .. اشتغلي اشتغلي لايقطعك شي .. اعتبري ان محد هنآ بس انت والاغراض ..
وبعد ان تأخذ مآتريد .. تريني ما اخذت وتردف ..
- شكراً صديق .. هذا حساب يوم حساب ..
فتحت خزآنتي بالامس .. اخرجت الكرتون الذي بداخلها ، يكتسيه الغبآر .. انهآ اغراض قرقيعآن العآم المآضي .. اتممتها كلها ولم يتبقى إلا جزء بسيط كنت قد عزمت على ان اكمله في عصر الـ 14 من رمضان من عآم 1430هـ معك ..
لكنك خرجت ليلة القرقيعآن .. ليلة الـ 14 من رمضآن .. ولم تعد .. فلم اكملهآ .. وظلت كمآ هي نآقصه حتى هذا اليوم ..!
كـ حيآتي بدونك .. نآقصة من كل شيء .. لا بل فآرغه من كل شيء ..
اخي ..
رحمك الله واسكنك الفردوس الاعلى ..
.
____________________________________ . أطيّر لك حمام البآل وَ أفقد كل ليله سرب ..!* . |