خامِسَاً : أنْتَ وَ البَيَاض !
-شَهْرُ رَمَضَان , اكتُبْهُ بِأبْجَدِيَّتِكَ ..
شهر الخير والغفران

-بِرَأيِك , ما المُميَّز فِي شَهْرِ الله ؟!
الروحانية: برمضان احس بروحانية عجيبة وطمأنينة بالقلب
الفرحة عند الفطور: يعني وقت الفطور يصير الواحد منا فرحان ويستعد للفطور والدعاء عند الفطور وهالشي نفقده باقي الشهور
اجتماع عائلتي على سفرة وحده خخخخخ رمضان هو الشهر الوحيد اللي عائلتي تجتمع فيه على طاولة وحده "طبعا مو كلهم بس الموجودين في البيت" لان باقي الاشهر كل واحد ياكل لحاله واذا معه احد بيكون واحد يعني نفقد الاجتماع بالاشهر الباقية

-بِرَأيِك , ما سِرّ السَعَادَة وشَهْرُ رَمَضَان !؟
شهر أنزل فيه القران، أنزل فيه كتابنا المقدس وفيه شريعتنا
شهر فيه ليلة عن ألف شهر تنزل فيها الملائكة والروح


-هل ختَمْتَ القُرآن فِي شهرِ رمضَان ؟ وهل تختِمُهُ كُلّ عام !
نعم سبق وختمته لكن اخر السنوات افتقد الختمة الله يرزقنا اجرها

سادساً : ليلُ الخَيْر .
فِي لَيْلِ شَهْرِ الخَيْر , بَعضٌ فِي مجَالِسِ النُّورِ تحفُّهم الملائِكَة وهُم يُرتِّلُونَ القُرآن , وبَعْضٌ عَلَىَ شَاشَاتِ التلفَزَة يترَقَبُّونَ جَدِيدَ العام , بعضٌ فِي جَلَسَات عاِئلِيَّة مُميَّزَة , وآخرُونَ فِي بيُوتِ الله ..
-أيْنَ أنتَ مِن كُلّ ذَلِك !؟
أفعلها جميعا إلا في سنوات الغربة افتقد زيارة بيوت الله، فوقت التراويح بعد العاشرة وهو وقت متأخر هنا وصعب الخروج فيه خاصة أن المسجد بعيد

-هَل تنظم وقتَك , وإلامَ تميلُ أكثَر ؟!
لا وقتي يمشي على مزاجي ورغبتي، لان أحيانا احط في بالي شي بعدين يصير شي ثاني يخليني اكنسل اللي افكر فيه، وقتي عشوائي تقريبا لكن مزدحم جدا

سابعاً : تفَاصِيلُك !
لِكُلّ مِنّا تفَاصِيل خاصَّة تَرْبِطُهُ بِشَهْرِ الله .. تفَاصِيلٌ لِأشْيَاء يُحِبُّ مُمارَسَتَها فِي شهرِ رمضَان , ولا يَجِدُ سَعَادَتَهُ إلاَّ بِوُجُودِهَا ..
-ما أفْضَل الأوقَات بالنِسْبَةِ لَك فِي هذا الشَّهْر ؟!
بعد صلاة العشاء

-كَيْفَ تَقْضِي سَاعَاتكِ فِي شَهْرِ رَمَضَان , نَحْتَاجُ مِنْكَ التَّفْصِيل .. تفاصِيلُكَ تُهِمُّنا !
اتسحر وانام شوي واقوم ادخل النت بعدين اروح اخلص اشغالي ارجع على النت وبعدين اكلم اهلي وبعدها اكمل شغل واقرأ قران على العصر يا انام يا اطلع لحديقة سوق سوبرماركت وارجع اسوي الفطور وبعدين افطر واتفرج على مسلسل وبعدها اقرأ قران وبعد صلاة العشاء في الغالب انام اذا نشيطة صليت التراويح
اما بالسعودية لرمضان روح وطعم ثااااني

-كَيْفَ أنْتَ وَ الزِيَارات العَائِلِيَّة , حدِّثْنَا عَن زياراتِك , مَن أحبّ أقرِبَائِكَ إليكَ ؟ ومَعَ من تُحبُّ أن تَقْضِي وَقْتَك , فِي هذا الشَّهْر ؟
حاليا مافي زيارات خلاص عزلنا
لكن لما اكون في السعودية يااااه احلى فطور يكون مع بنات خالاتي بعدين بعد الفطور سواليف ودق حنك وبعد العشاء نطلع نتمشى
غير كذا مااحب اقضي الوقت برى البيت يا مع بنات خالاتي يا اجلس في البيت مع امي واهلي افطر معهم احسن حتى تجيني دعوات فطور في مطاعم فخمه لكن افضل اهلي عليها
مره وحده بالشهر افطر عند جداتي يوم عند وحده ويوم عند الثانية وخلاص باقي الشهر ازورهم بعد التراويح عشان مااضيع فرصة اجتماع العائلة على طاولة وحده

-حدثنا عن عاداتكُم في شهر الرمضان ..
بالنسبة لعادات الاكل:
يكون في فيمتو مع عصير برتقال لابوي
سمبوسه مقليه لاخواني سمبوسه بالفرن لي
فول مع تميس

بالنسبة لعادات الاسرة:
فقط اجتماع على الفطور
احيانا اذا في احد نايم مسؤوليتي انا اقومه للفطور لدرجة ممكن احط الوظيفة "مقومة نايمين" لاني اقوم النايم لا سلكي كمان "البعيد منهم او في بيت ثاني أكلمه جوال الى مايرد ويقوم"

بالنسبة لعادات دينية:
نروح نصلي التراويح انا وكم واحد من اخواني
كل واحد ماسك مصحفه قبل الفطور يقرأ شوي


-متَىَ بدأت رحلَتَك معَ الصيَام ؟
مااتذكر لاني كنت اصوم نص نهار من بدري لكن يوم كامل متأخر جدا

-هَل كانت لكَ أهداف في السنين الماضِيّة , وهل حقّقْتها ؟ ما هِيَ أهدافُكَ في شهرِ رمضَان هذا العام ؟
اهداف رمضانية يعني؟ كنت قبل احط في بالي اختم القران والحمدلله اختمه
السنة هذه حطيت في بالي اهداف بس للاسف ماقدرت ابدا احقق ولا ربعها

-كَيْفَ هِي تفَاصِيل " القرقاعُون " في بَلَدِك .. صِف لنَا , إن أمكَنَ أن تُدعِمها بالصُور ..
القرقعان يختلف الناس باوقاتهم وبطرقهم، في ناس يقولون قبل رمضان وناس بنص رمضان وناس على العيد
اذا العيد من القرقعان فعندنا قرقعان اذا لا فماعندنا قرقعان
اما وصف احتفال العيد فهو كبرنا على كذا خخخخ لكن انا مازلت اخذ حصتي من اهلي
بس بشكل عام في احتفالات وتوزيعات للاطفال واشكال والوان وهدايا توزيع وقت اجتماع الاهل، الصباح قبل الصلاة يجتمعون اهلي واخواني كلهم واولادهم في بيت الوالد بعدين توزع امي هدايا عليهم حلاو ومبلغ كل ماتكبر يكبر المبلغ طبعا انا اصف معهم واخذ مبلغ محرز وسط اعتراضات اخواني الكبار
بعدين نروح نصلي ونروح لبيت اهل ابوي نفطر ويوزعون هدايا على الاطفال والكل مبسوط وبعدين نرجع لبيتنا الى وقت المغرب وبعدها نروح لبيت اهل امي واجتماع ومسابقات والعاب وهدايا للكل بما اني امون على اهل امي فانا اصف اخذ من الهدايا والحلاو
صورتين للنماذج "ظرف الرسائل يكون فيه الاسم والمبلغ المناسب لعمره"





-كم مرَّة تذهب للسُوق في شهرِ رمضَان .. :P
على حسب الحاجة لكن افضل اني مااروح كثير

-التسَوُّق حكايَة بحدّ ذاتِهَا , أخبِرْنَا عن تفَاصِيلِ التسَوُقِ معَك .. ؟! تسوّق شهرِ الله , وتسوّق القرقاعُون , وتسوّق العِيد ..
-التسوق لشهر رمضان في السعودية مااسوي شي لكن هنا اروح اشتري اغراض البيت الناقصة
- القرقعان امي ماتسوي شي يتعب ظروف ونطبع عليهم انا مهمتي توزيع المبالغ في الظروف واحط لي مبلغ كبير وابوي يجيب حلاو من اي محل يحب
-تسوق العيد احاول قد مااقدر اخلص كل اغراضي قبل رمضان في رجب او شعبان

____________________________________