صباح الحلم
يا طفله .. يصحّي فجرها عصفور
على شبّاكها يغنّي
تلحّفتي الغرام .. غرور
تعالي شوفي الشارع .. ومن " حبّك"
تكسّر تحت رجلينه عنا ..
ما قال " ما آحبّك"
تعالي شوفي أرصفته
وشوفي زهور أرصفته
قطفها لجل ونمتي .. وذبلت في يده
مجبور ..
تعالي شوفي ظلاله
تملّل من وقوفه لك .. وراح
ووقّف لحاله


ما عاد يغريني اللي كان يغريني
..... ولا عاد يسهرني اللي كان .. يسهرني
ولا عادت أشيا تعنّيني .. تعنّيني
..... ولاعاد حزني سحابة صيف .. تمطرني
أنا تغيّرت .. لكن باقيه فيني
..... أحلام طفلٍ وطفله .. حيـــل تقهرني


,