 رد: علمني أخي ..!
.
اشتاقه كثيرا ..
وافتقده اكثر ..
الكل يقول ان الجرح مع الايام يبرآ .. والفقد مع الايام يعوض ..
الكل اجمع على ذلك ..
مارست حياتي .. حاولت ان اشغل نفسي .. بكل شيء .. واي شيء ..
مررت ب ايام صعبه .. تجاوزتها .. كان الله معي .. ثم هم بجواري ..
في كل يوم .. اشعر بحفيف انفاسه حولي .. اسمع صوته يرن ب اذني ..
اراه واقفا امامي .. في الشارع .. في السياره .. في كل مكان ..
احاول ان املأ نفسي به .. احاول ان املأ روحي بروحه ..
اشهق ذكراه .. وازفر فقده ..
اقترب العيد .. ولم يتبقى سوى ايام قليله ..
يكاد قلبي يتقطع منذ هذه اللحظه ..
تغير مفهوم العيد برحيله ..
كنت اذهب معه .. اصلي العيد ..
رغم تذمري منه .. ومن طلباته ..
- اكوي ثوبي .. اكوي غترتي .. الخدامه ماتعرف للبخار .. اشتغلي يابنت يااااللااا ..
وكنت اقووله ايش اخدم نفسك يااخي ..
- قلتيها ياختي .. يااخي .. اشتغلي لاخوك ..
بعد صلاة العيد .. كان يأخذني في جوله حول المدينة .. ويقول لي ..
- شوفي البلد كيف معيده ..!
واقوله مافيه احد الشوارع فاضيه !
- اوريك نوارس البحر شلون يعيدووون والشوارع والسمآ والديره ..
ونضحك ..
كان يحاول جاهدا ان يشعرني بالعيد .. ومعناه .. ب ابسط التفاصيل ..
- العيد مايحلا الا بفلافل من البوفيه ياللا عيد سعيد على قولة الهندي ..
وش هالهندي اللي فاتح صبح العيد من وين جايبها انت ..؟
- انت ماعليك كولي وعيدي وكل عام وانت بخير .. هذي احلى عيديه ..
كان اخ .. خير اخ
كان رفيق .. ونعم الرفيق
كان حبيب .. ليس مثله حبيب
اقترب العيد .. وتفاصيل الفرح لاترحم ..
ويزداد الفقد .. بعظيم الفرح ..
اخي رحمك الله وجمعني بك في الفردوس الآعلى
.
____________________________________ . أطيّر لك حمام البآل وَ أفقد كل ليله سرب ..!* . |