19-09-2010, 00:38
|
 | .... نَوْرَسَة ! | | بداياتي
: Jun 2008 الـ وطن : البحرين
المشاركات: 954
تقييم المستوى: 16 | |
 رد: - يَومِيّات -
باجر اول يوم دوام , ومحمد مو قادر ينام , جاني الغرفة , : سارة مو قادر انام ! : شسوي يعني طف الليت وبتنام , : انزين شرايش ادخل وياش وانام في حجرتش , : اوف اوف , اوووف , شتفرق يعني , : مو لأني مو قادر انام في الحجرة ! : زين ادخل يالعيار ! دخل ومن جا للحين ما كتبت شي , وبس يهدر فوق راسي , وشويتين الا يقول : يالا اطلبي لي اوردر وخلنا نتعشى , : مو توك متعشي !! : عادي نتعشى مرى ثانية , وثالثة : اخمد نااااام لا تكفيخ الحين ! وبعدها يقول لي : سارة الحين انا خايف : خايف من شنو ؟ : خايف اصدقائي ما يصيرون ويايي بنفس الصف ! : عادي احسن اذا ما صاروا تتعرف على ناس جدد , : بس على الأقل واحد اعرفه ! : هه , وش الفرق ؟ : لازم اعرف اسمائهم , وقصة طويلة : بلا هرار وخرابيط يلا ونام , ومستحيل ما يصير وياك واحد تعرفه , : اوكي بنام بناااااااااام , وكل سنة نفس قصة اول ليلة دوام , زهراء تجهز اغراضها ويمر اول يوم عندها بهدوء , ومحمد يعفس عمره وحتى ما ينام , وهو يسولف وانا اكتبه , أبيه يرجع في يوم يقرأ نفسه بأوّل ليلة دوام , وابيه يذكر انه يجي ينام عندي  آخر موقف , كنت اطالعه وافكر واكتب , هو نايم على سريري , وانا اطالعه واكتب , يقول لي : شفيش تطالعيني قاعدة ترسميني مثلاً ! : لا يا عبقرينو قاعدة أكتبك ! .. وللحين ما نام , وللصبر آخر , بس وسيم , حلو وهو يحاول ينام !  ____________________________________
نجدُ الإجابة.. حين ننسى الأسئلة*
|