-‏ مزاجية جدا ، و مزاجيتي مانشيت عريض في تعاملي مع الأشياء حولي !
أشبك و أفصل ف الدقيقة أكثر من مرة ، لدرجة إن الل مايعرف طبعي يحلف إن بعقلي شي !

-‏ عنيدة بشكل أنا أكرهه أحيان !
ولا يمكن أتجاوز عنادي و أمشيها ع قولهم .
إذا مسكت معي عناد أصير شي مزعج و يسبب ضيقة شديدة !
و أكثر الل يعاني مني أهلي ف البيت لأنهم يصادمون يباسي دايم ناسين تحذيراتي من هالشي !

-‏ أعشق أمي و خواتي ، و سواد ليله الل يقربهم بحرف بس !
لايمكن أهدأ إذا انغلط ع وحدة فيهن _ حتى لو خذت حقها _ إلا إذا رحت لل مزعجهن و عطيته الهرجة الل اختصارها : ترى ما انت شايف غيري إذا زعلن ف لا تقربهن !

-‏ مممم ، حنونة ..
بدأت أقتنع بهالشي من زود مايقال يمكن !
مع إني أعرف شريتي زين و أعرف قساوتي بعد

-‏ ما يبكيني إلا أبوي !
لو شو صار لي أو ضايقني ما أبكي إلا اذا خلاص تعبت أعصابي جدا جدا ، و أبكي مع نفسي بعد !
لكن إذا وصلت عند أبوي ، لو هو قال لي بس : شفيك تعبانة ؟ / بكيت

-‏ علاقاتي غالبا لا تتعدى الزمالة !
لدي صديقات قليلات جدا ، و بالأصح كان لدي !
و الله يسهل دروبهن سرقتهن الأيام .
أدش جو ممكن و انسجم بالسوالف مع قروب معين أحيان ،
و يصير حدي بهم هالجلسة بس !
لأن بطبعي ما احب التجمعات النسائية

-‏ لساني إذا عصبت ، برااااءة !!
ما تآخذين منه الزينة للأسف
مع إني عصبية جدا لكني أجيد ضبط أعصابي ،
ف عشان كذا إن فلتت | ع قول أمي يا ساتر الحال !

-‏ قوية جدا ، و مهابة في مجتمعي .
لي كلمتي و سطوة تقديرهم لي توحي للأغراب إني أكبر من عمري !

-‏ آخذ حقي و آخذ حقي و آخذ حقي !
و إن عجزت أخذته عقب بس مدبل !

نفسي ‏:
بوسي لي خدودك الطعمين : *



[ ]