اقتباس: 8- صراحتي تسبق مجاملتي دااايم - أحيان بعد ما اتكلم و اخلص اندم اني توسعت بصراحتي - لكن عزاي الوحيد اني ما تصنعتها ! تطلع بروحها - 22- بالمقابل ماحب احّد يجاملني ، المجاملة تحسسني انه في طرف مُشفق عليه و طرف يشفق فيترجم شفقته مجاملة ، أكره أكون بموضع شفقه!بموضع يعوّر! ما اغفر للي يجاملني! أنفر ببساطه و اسد عليه كل طرق العوده لأن الثقه انطرحت منه! صار سالب! رغم إنّي أذكّر نفسي دايم ب أني ماكون من اللي اذا خاصم فجر! بس ما اقدر قلبي مايساعدني يتقبل نفس اكتشفت انها كانت تجاملني ما اقدر ما انسفها من حياتي! 23- ماحب الياهال :d يب يب ماااحب الياهال ماعرف اتفاهم معاهم يعني يادوب ابوس الياهل من بعيد لبعيد ماعندي طرق تواصل معاهم! البيبي المواليد هذول نو وي اقرب منهم حتى شيل ما اشيلهم وبس احط خدي ع مهادهم و اشمه ماقرب خير شر ، ( نقل حي : خالتي الدبه سوّت فيني حركة اليمعه حطت بيبيها ابو ثلاث اسابيع و انا مندمجه بالفيلم بحضني و بدون مهاد لو بمهاد عادي! صرت اصارخ و اضحك و تشنجت : شيلوو الكاااائن الهلاااامي يعوه وخروهااا خخخ عندي فوبيا من اجسامهم أحس شعور يخ لما ألمس جسم مافيه شي جاسي أمسك الياهل منه و إهوا يتمغط بيديني يييممه ) - احب الياهال لما يبدون يحبون و يقعدون ويسولفون يمممي هذا احلى سن عندي و السن الوحيد اللي اساحل فيه الياهل واسيح معاه - بس يمشي الياهل بعايلتنا ماعرفه و يبدا عاد ينقطع الارسال بيني وبينه ، الحكاية انه عيال خالاتي الوحيدين اللي اسيح معاهم و ميانه وضحك عادي! و رغم هذا يهابوني ، الغريب فيها انه عيال خوالي اللي مابيني وبينهم اي ارسال و استقبال و المواصلات مردومه بينا اصلاً يمونون علي بشكل بااااااااااااااايخ لدرجة يحسسوني إني ألعب معاهم بالسكيك! فجأة ألقى فوني برا الباق يلعبون فيه قيمز! واذا خذيته ردت علي مناوي عادي ترا اعرفله خالتي عندها نفسه! يعني كلش انا ماخذته منج عشان ماتعرفين له موعشان لقافتج! هذا و انا ما احتك فيهم شلون لو احتك! الشي الثاني ولد عمتي بالزوارات مآلفني هذا عاد مالحقت على مراحل نموه كطفل الا مره و الا مرتين بس و انسحر فيني .. و الله عجيب هالسلوم يعني ماشاف مني بوادر طيبه مع الياهال شلون انسحر ؟ ، ايام الشاليهات اذا امه موموجوده مايبي الا انا ، شالسالفه يالاخو لاعرفك و لا تعرفني ؟ المهم اني راح احب عيالي بكل مراحل حياتهم < آوت انتي و نقطتج 24- لما تستنزف طاقتك بـ اسميين حزتها بتخسر روح ع حساب روح ، لما روحك تتفرع لروحين صعب يتمُّون روح وحده و هم منفصلين لابد كل روح تناضل للعيش لنفسها وبس ، بتتم كل وحده تسحب من الثانيه مايها و هواها قد ما شياطينها تقدر ا و يمكن تبيّعها بيتها بعد و بالتالي تفقد نص روحك و تتم بنص ! و هذا الحاصل ، بس لما تتم بنص يبدا النص الثاني يذوي ، هذا يعني انّك حسيت بغلطتك و تمنيت لو تام ع روح وحده
مهما تعارفنا يبقى المزيد ممّا نخفيه عن الجميع . لساني حصاني
رد: هل تعرف مائة شيء عن نفسك ؟