حبيبتي بعض الألم ماله دوى غير الألم
خليني أتألّم وبكتب لك قصيدة موجعه
في داخلي تتنازع الأساب ويدين الندم
مستقبلي غامض وانا من زعزعه في زعزعه
قدامي جدار السكوت .. وفي يدي قطعة فحم
وفوقي سما زرقى وخلفي ناس وسط المعمعه
برسم لك القلب الشقي واحط في وسطه سهم
وأكتب ( أحبك ) لكن ضروفي علي ّ متجمعه !
مقدر أحبك لو أحبك والمشاعر لك خدم
دام العواصف كلها تهب ّ عكس الأشرعه
أنا تراي إنسان مثل الناس لكن منهزم
سقطت وإستسلمت في ليلة سقوط الأقنعه
الهرج حاير في فمي لا آقول لاء ولانعم
مااقدر أبوح بهرجي الحاير ولااقدر أبلعه
هذا الحزن رفيق دربي والقدم جنب القدم
ماني معه لكن ضروف الوقت خلتني معه
الحلم ضايع والقلوب البيض تزرع في وهم
حلفت ماعاد التفت للحلم ولاعاد أزرعه
خليني أكتب لك قصيده من قصايد ذو القلم
الشاعر اللي في يدين الوقت لاقى مصرعه
هلّي على قبره دموعك واغرسي فوقه علم
وقولي هنا ضاقت عليه الأرض من عقب السعه
وإذا شعرتي بالندم أنا سبب موتي ندم
شوفي بقايا الحزن يشّر فوق قبري بإصبعه !!