مشاركة شعرية رابعة في الـ بوح
أتمنى تروق لذائقتكم ..
مدخل :
متى للشعر شيخ ٍ أو أميرة ..
متى له لون أو شكل ومظاهر ؟!
اذا له شيخ انا اسمي أميرة ..
كتبت إحساس قالوا عنْه طاااهر ..
تعبت اليوم يا ضعفي كفايه
بكيته لين عيني نشْف ماها
أجرّ الصوت يا حزني وأسايه
أواسي الروح من زايد غثاها
أكنّ بصدري اهموم وعنايه
سليت أفراح قلبه ماسلاها
وصوت الجرح يدوي في سمايه
وغمام الحزن بيَّن وش خفاها
سبايب من ظلمني بالنهاية
متى يفهم جروحي مَن بلاها؟!
دعيت شهودي اللي في حشايه
ووجه الصدق واضح في سماها
يحسب حساب روحه بالبدايه
ولو تسرف أميره في عطاها
خسرت العمر أبثبت له وفايه
ودفن حبي وروحي مع وفاها
ولاهمه سوى نفسه وأنايه
تموت وما حد ٍ وقَّف معاها
فقدت ( أشباه وجهي ) بالمرايه
وشمس العمر غابت مع سناها
من سنين ٍ أداري هالحكايه
أخاف الفَقَدْ وأحتاج لـ ذراها
بكيت اليوم وياضعفي كفايه
عمت عيني سواته من رداها
مخرج :
يا ليت قلبي سالي ٍ عقب فرقاه
واقدر اعيش العمر مرتاح /مبسوط