عارفة وش مشكلتنا ؟
إنّنا دايم بعد ما نآكل الخيبة كاملة و نبلعها بدون مويه حتى ,
نروح نقول لنا : نفسنا نرجع ل ....
هالكلمة كثير تستفزّني , كثير تجلطني لما لساني ينطقها !
كثير تعصّب بي لدرجة معها أندم إني عطيتني وجه و سولفت معي !!
ما راح يرجع شي يا صديقة ,
بس الفطين اللي يتأقلم مع حياته زي ماتجي !
مو يستسلم , لا .
بس إذا كانت كل حربه خساير , الأجدر إنّه وقتها ما يعطي الناس نافذة ع حزنه
يشفقون عليه من خلالها !
ماني مُلزمة أحارب حياتي لأنّها ماجت ع هوآي دام هالحرب فاشلة !
و دامي أصلاً من البداية ضعفت و سمحت تقوم حرب .
الحرب معناها شو عارفة ؟
الحرب معناه في طرف ثاني عنده يقين إنّه انتِ مثقوبة بطريقة أو ثانية ,
و هالثقب هو سلاحه الل بيدّك و الل بيهزمك من خلاله / خلالك !
و دامنا وهبنا شخص أي شخص هاليقين أو تسلّل له هالظن ,
معناه حنّا فشلنا ف صنع مملكة حصينة ما يجرؤ أحد ع السخرية من رصانتها !
بتقولين لي إنوا فيه كثير يجيهم اليقين من عظمة أو غرور ابتلوا به ؟
بـ أقول لك : ايه جايز ,
بس حتّى هم لو ما حنّا تعثرنا لو عثرة صغيرة ما طالونا !
و هالشي مش خااارق سَماي , لأن حتّى اللي يمشي صوب الجدار و بالع لسانه ,
فيه ناس تكيل له الحكي و ناس تكيل له الحقد !
الناس دايم جوعانة لبعض ,
ما يشبعهم إلا تراب الصمت اللي تحثينه فِ وجه ثرثراتهُم !





- بيتي جنّتي يا سَما ,
أي مكان أسكنه أنا قادرة أجعل منه جنّة
إذا تجردّنا من ناسه و جيرانه و مكانه و لون جدرانه حتّى ,
و استوعبنا إنّه بيتنا بس !
صدقيني وقتها ما أحد يقدر يبدّد سكِينَتنا فيه

[ ]