جايّه الليلة يا قلب أختك ,
جايّه و انتِ وشوشتيني قبل إنّك : مليَانه حَكي !
جايّه و انتِ وادعتني تطمّنين قلبي اللي أكلني عليك .
جايّه يا بنت صَدري أضمّك و أشمّ الفرح بين يدينك ويهدآ بالي !
جايّه تذكّريني إن الأماكِن بتخوننا هالمرّة !
و إن الاجازة ذي ما راح تكون جدولنا المعتاد ما راح تكون هيصتنا المعتادة ما راح تكون
شقاوتنا المعتادة و ما راح نسمَع : " الله يزوجكن و يريّحنا من مخططاتكن ! "
هالاجازة للرتابة و ذكرياتك يا روح أختك .
لِ انتظار رسالة و اتصّال منك .
لِ الحزن الوفير الباقي اللي مخبّيته لي صالة المطار يوم الخَميس !
لِ الحزن اللي بتهديني إيّاه شوارع جدّة هالأسبوع بدونك .
و يبونا نطلع البحر يا منار !!
و أسبَح مع مين قولي لي ؟ و أطفو مع مين و أنا أضحك من الل ما يعرفون ؟
و أغرّق مين و أهرُب ؟ و مين يصرّ و يعاند معي إنوا نآكل بنفس اللبس الخايس مويه
عشان بنرجع نكمّل !!
و بنرمي للبحر سرّ و أمنيَه مرّة ثانيه ظنّك ؟
بيسمَع لي البَحر شلون و صوتي بعدك عطلااان و ما يعرف الحَكي !
و السيارات الل نتخبّى وراها عشان نفجَع روان ظنّك ما راح تفضحني بدونك !
ظنّك صوتي بيقدر يفجعها و الا بيشكي لها غيابك !
هو إنتِ ليه ما علّمتيني بعد كلّ شيّ سوّيناه إنّك رايحَه ؟
ليه خليتيني أولَف عليك !
يبونا نطلع شاليهات .... يا منّو !!
تذكرين ش قد زنّينا الاجازة الل فاتت نبي نروح لها مع بعَض !
تذكرين ش قد أكلنا روسهم ع الفَاضي !
هالمرّة جاني العَرض قبل أطلبه .
جتني الروحَه لين رجليني يا مناري ,
و سألتهم بتجين ؟
أروح هنَاك آكل التشوكليت و الشيبس مع مين !
و أتهاوش ع لحاف واحد مع مين !
و أقول لمين : خلاااص خذي شوكليت ثاني و لحاف ثاني و لبس ثاني
و غرفة ثانيه , زهقتيني كل شي نتقاسمه !!
و من بيجي شويّ وقت و يررجع يقول لي نفس الكلام حرف حرف !
و من اللي بيضحَك علينا و يقول : ما تغيّرتوا !!
منار و هَديل .. هَديل و منَار .
دايم نتهَاوش و أصرّ إن اسمي أحلى !
خلّيني أعتَرف لك ب شيّ : و الله ل تبطي سنيني و أنا ماجيت لا ب حلاتك ...
و لا بحلاة كل الأشياء الل تشبهك و ترتبط بك !
ههههه انبسطي يا عمّه , استسلمنا لعيونك الل تشبَه قصيدة البَدر في سارَه !
ضَروري بعد هالهذرة أقول أحبّك يا خَايسه ؟
أحسّ يا صغرهَا قبالك يالشينَه