,
جريت أنا من زايد الهـم مـوال=دام المواجع مارحمت قلب خايف
حسبي على وقتٍ كسر قوة الحال=دايم كذا طبعـه يفـرّق ولايـف
منه الحشى للحزن منفى ومدهال=يسلب من عيوني دموعن ذرايف
يمد لي من نازف الجرح فنجـال=واشرب من اهاته ولو كنت عايف
ياغايبٍ عن شوف عينـي ولازال=طاريك دايم , مرتبط بالشفايـف
قدرك كبيرٍ , ما يحده معي جـال=وحبك تعدى الشامخات النوايـف
الى متى وظروفنا معـك تحتـال=نصبح على مله ونمسي طوايـف
حاولت اجابه هل بطا والبطا طال=ياصبري المنهك ولا لك حلايـف
ان قلت ابنسى وادله ابكل الاحوال=عادتني الذكرى شجون وحسايف
وارجع اقول الحظ ياعمر ما مال=كذبه تطمني ولـو منـت رايـف
جريت أنا من لوعة البعد مـوال=أسباب وقتٍ مارحم قلب خايـف