حبيبي شاعرك ملّ ..الأغاني=وملّ الشعر ..والشوق .. وغيابك
كثر ما فيه لوصالك .. أماني = كثر ما سولف لدفتر ..عتابك
هنيّ لقلبك .. اللي ما يعاني= وهو عاني .. ولا أمطر له سحابك
أناني أنت .. إي والله .. أناني =على من عاف ناسه .. وإغتنى بك
أحبك .. كثر ما شوقي خذاني =لبابك .. وأستحي لا أدقّ بابك
أحبك .. كثر ما تحبّ تعصاني=وكثر ما أخاف من هجرك .. وأهابك
أحبك .. كثر ما حظي رماني =ظما .. شوفتك وأهلكني سرابك
أحبك .. صوتها بين المحاني=يشّق الصدر وشلون إن حكى بك !
أحبك .. صوتها بين المباني=يشقّ من السما غيم .. لترابك .
تعال وشوف وشلون .. والثواني =تضيّق صــــدر من شفّه ..رحابك .
تعال وهات لي .. ضحكٍ نساني،=تغّــــرب معك .. يا طول إغترابك !