رمشجْ سعف سِدره
ذاوي يبيله شيل
ما قدّروه اهله !
ما ترحمي حالج ؟
دمعج مِلِِحْ حَامض
ماصخ يبيله هيل!
ماهيّلوه أهله !
ما تذجرين الله ؟
لا تودرينج
قلبج عميْ مَيْشوف
لاتودّرينه
لا تفضحينج
كل هالعيون اتشوف
لا تفضحينه !
باين عليج موادعتهن
وليفينج الغالين مهاجرتهن !
غلّي حزن روحج
لا تْمَضْمِضِينَه
لا ياصل ليُوفج
مِنْ تِبلِعِينه !
مَحّدْ يسَلّف عُمر
لا اتْسَلّفينه !
غلّي ورى ظهرج
خَلْ يِسْتِوِيْ ظهرج
لا اْتْكبِرِينَه !