لا تعلمني خطاي
من تعوّد يجرح أحبابه.. سواي !؟
من تعوّد يخذل أحبابه سواي ؟
من تعوّد يكسر أحبابه .. سواي ؟
إيه يا عمري
أنا عمري وهم
لا تبني آمالك عليّ
وتنهدم ..!
لا تحنّ لي
لا تعاتب الغيّاب .. لا تشتاق
أنا أول المهدين حزن فراق
وأنا آخر اللي ترجّعه الأشواق
لا تشتاق
رحت فـ يديني .. شقا
وجيت فـ يديني .. شقا
كنت معشوق التعب في كل طريق
كنت للذكرى ولـ شحوبي صديق
بسّ والنسيان .. ما كنّا أصدقا
يالعتيق من الحنين
يالوثير من المواجع
يالمحال , الحلم , العمر . السنين
قلّي لو بـ أشكيني .. أشكيني لمين ؟
هبّت الضيقه وأنا أتكاثر عناي
ولا هقيت الشعر عن ضيقي .. عزاي
لا تعلّمني خطاي !