كل عيد أقبل عليّا في غيابك هو ضياعي=طاح دمع العين بعدك , مابقى للحكي حيل
آه يا قلبٍ قتلته يوم عزّمت بوداعي=مات حلمه وانكسر صبره من بعاد الخليل
موحشه دنياي من غيرك ولا فاد اندفاعي=لكتساحك عشق يزرعني على الروض الجميل
كل ماذكر همسنا في ليلة الحب الجماعي=إنحنت للذكريات الماضية روس النخيل
ضاق صدري وإبتدى همّي على الدفع الرباعي=وإنصدمت من الغياب وسالفه ذاك الرحيل
في بحر حبك غريقه يا مشقّق لي شراعي=ماهقيت الحب يحديني على الدرب الطويل
اطلعت شمس الحقيقه يا ملبّسني قناعي=مو أنا وياك نفسي / نفس لوني والدليل :
كل ما اقربْ تبّعد / همّك تزيد إلتياعي=تنحى دربي من دروبك كنّ قلبك مايميل
شوف حزني ياخسارة صار اخوي من الرضاعي=والفرح اصبح بعيد وصار شبه المستحيل