بنيت للاحزان من عقب فرقاك
قصر طويل خالد في حشايا

واطفيت شمعات الامل في ملاقاك
والله بموت الحب يجبر عزايا

مات الامل والقلب عامر بذكراك
معاد اميز ضحكتي من بكايا

ياما على ذكراك قبلت موطاك
حبك بقلبي باقي له بقايا

يفداك عمر مابقى فيه يفداك
غير العذاب اللي كتب له نهايه

تفداك روح عاشت العام وياك
واليوم بعدك عايش دون غايه

ياسعد قلبي يوم يسمع بطرياك
ويردد اسمك لين تسمع ندايه

تضحك لي الدنيا الى صرت وياك
واذا زعلت يغيب عني هنايه

قضيت عمري معك , ياحلو لاماك
خط القدر في حبك احلى حكايه

ماجاك مني مايضرك ويجفاك
غير الحنان اللي غمرك بهوايه

والله لو يطول بي العمر منساك
ولااسمع بحبك من نقل لي وشايه