نمشي :
والطريق اعمي ،
ويشرب من طري اقدامنا .. ويضمى !
يالغايبين :
يالغارقين بحزننا
ردوا نخيل اصواتنا ..
ردوا ملامحنا علينا

يمكن اصدق ماتعلمنّا نحبه : فاتنا !

يالتايبين من الدفا :
ومن وصايا العشق بين العاشقين ..
...... لاتكسرون الناي والراعي حزين ،،
ردّوا عليه وسادته ،
والعَبْرة اللي كانت بصدره سنين ..
اسراره اللي دسَّها بالناي ،
بعيونه تبين !
- مثل المواني كانت عيوني : زحام وملح | كانت غياب | وملتقى اغراب " " !

____________________________________