الحُضور الأوّلْ مربكْ جداً ,

أنَا وطلالْ وسَاعة الهَذيانْ ,

في كثيرْ من الأوقاتْ نتصورْ أغنيةْ لموقفْ أو العكسْ نتصورْ موقفْ لأغنيةْ , { الله يبعدنَا عن الأغَاني }
وكثيرْ من الأغانيْ تخلقْ ساعةْ هذيَان ومواقفْ كثيرةْ جداً لحالاتْ تخصنّا هذيانياً ,
وكثيراً ما نتعَايشْ مع أغنيةْ لنخلقْ لهَا صورهْ من نسجْ الخيَال , بس المهمْ نعيشْ الموقفْ : )
وفي سَاعة الهذيَان مع أغنيةْ معيّنة ,, يأخذنَا أكثر من سُؤالْ لبعيييد ,


كثيرْ من أُغياتْ طلالْ { الله يرحمه } تحكيْ حكايَات وليستْ فقطْ مواقفْ هذيانيةْ وحسبْ ,
طلالْ { الله يرحمهْ } كانْ صوت حنونْ جداً ,
صوتْ دافئ جداً ,
صوتْ ودودْ جداً ,
صوت شجيْ يجبركْ على الحَالة ,

كانْ في كثيرْ من الإختياراتْ يناجيْ حالاتْ وقلوبْ مرت بذاتْ المرحلةْ واللحظةْ ,
كُنت أتسألْ ساعةْ الهذيَان إلى أي مَدى تأخذنَا !! و لـ وينْ تودينَا !!
ولأيْ شعورْ !!
ولأيْ مكَان !!
ولأي ذكرى !!

حتى وإنْ كانتْ خيالاتْ ,

كثيرْ من أُغنياتْ طلالْ تأخذنَا إلى هذه الأبعَاد ,
فإذا كان كلام أغنية يتغنّى بها طلالْ يأخذنَا إلى تلكْ الأبعَادْ ,

إذاً كيف كانتْ الصُوره بالنسبة للشَاعر ؟
كيفْ كانتْ الحالة ساعةْ دندنة الأغنية ؟
كيف كانتْ حالة الفرحْ عندمَا ولد اللحنْ ؟
كيف كانتْ الحالة عندمَا كان يتعايشْ مع تلكْ النشوهْ بتلكْ الوصله
{ نسيتني الأملْ سنين زينَا زي العاشقينْ } صابرينْ صابرين ,

* حاولتْ أن أصنعْ موقفْ لسَاعةْ هذيَان مسكينةْ !

حنون وفيّ يقتلهْ الإنتظَار ,
ويصادفْ وفيّة تقتله جمالاً لإنتظَار ذاكْ اللا مُباليْ !





أذكر في مرّه كنت أحبْ ,
وكانتْ محبوبتيْ توعدني بكثير أمَاني !!
مثل أي أماني كانتْ { كثير منهَا كلام فاضيْ }

وكان من هالأمنيَات إني أشوفهَا ولو مره وحدهْ بس ,
وغالباً تكون خيالاتْ اكثر من انهَا امنيه ,
بعد كثير من الوعودْ اللي حكينَا فيها ,
وبعد كثير من الوعودْ اللي كذبت فيها ,

وعدتني اشوفهَا بعد سنتين ومنّتني فيهَا وفي الحالة اللي راح نعيشهَا على ذاكْ الوعدْ !!
كلامهَا عن الموعدْ كان مره يجننْ ,
كلامهَا كان يعجبني كثير كثير لمّا تحكي عن الموعدْ ,

عشت طول هالسنتينْ على حالة الموعد ,
كنت أسمع صوتهَا كثير ,
كنت أسمع صوت الفرح كثير ,
كنت أشوف الأماني في صوتها ,
كنت أموت من الفرحْ ,
أتفقنَا على موعدْ اللقياء متى راح يكونْ ,
وأنبسطت كثير ,

قربتْ نهاية السنتينْ وقرب يوم الموعدْ ,
أنتهى آخر شهرْ من السنتينْ لاحس ولا خبر !!
وش اللي صَار ما أدريْ !!
ولكن كانْ الموعدْ بيننَا ,
وعدتني وأقسمتْ ما تغيبْ !!



في يومْ الموعدْ وصلتْ !
وجلستْ على كراسي الإنتظَار أمنّي روحي بهالشوفَه ,
علّ وعسى إنهَا تجي ,
أنتظرتْ الساعة الأولى وانتظرتْ الساعة الثانية !!
وعدّت الساعة الثالثة وهي ماجتْ!
قدمت ساعتي ودي يقرّب الموعد !

كنتْ أطالع ساعتيْ وأحسب الدقايقْ ,
ولما رفعت راسي كانتْ مقبله ,
وقفت وطرتْ من الفرحْ في داخليْ ,
وقلت أهلينْ ,
جابكْ الله ,
وافيةْ وجيتي على الموعدْ ,

ناظرتني ,
قالت أنتْ مين !!
سكتْ شوي , مدري شقولْ !
قلت مدريْ !
بس آسف يمكنْ ماكنتي أنتِ ولا كانْ إنتظاريْ لكْ !!
نظره غريبةْ ليْ وقالتْ { مسكينْ الله يرحمْ حالكْ }
ناظرتهَا وهي ماشيه من عنديْ ,
وهزيتْ كتوفي بإنكسَار ,
وقلت بيني وبينْ نفسي طيّب ليه تزعلينْ عليّ هي قالتْ لي بجي !!

رجعتْ وجلستْ وقدمتْ ساعتي ,
انتظرتْ ساعة ونص !

مرتْ علي وحدهْ مدري من تكونْ ,
وقفتْ متردد ,
وقلت أهلينْ ,
أنتِ ع الموعدْ !!
ناظرتني ,
قالت أنتْ مين !!
سكتْ شوي , مدري شقولْ !
قلت مدريْ !
بس آسف يمكنْ ماكنتي أنتِ ولا كانْ إنتظاريْ لكْ !!
نظره غريبةْ ليْ وقالتْ { مسكينْ الله يرحمْ حالكْ }
ناظرتهَا وهي ماشيه من عنديْ ,
وهزيتْ كتوفي بإنكسَار ,
وقلت بيني وبينْ نفسي طيّب ليه تزعلينْ عليّ هي قالتْ لي بجي !!

رجعتْ انتظرْ ,
مرتْ علي وحدهْ مدري من تكونْ ,
وقفتْ ,
متردد , متلعثم , خايفْ , زعلانْ , طفشتْ من الإنتظَار !!
وقلت أهلينْ ,
قالتْ أهلينْ ,

قلت أنتِ ع الموعدْ ,
ضحكتْ ثُم سكتتْ !!

قلتْ لهَا آسفْ بس أنتِ ع الموعدْ ؟
طالعتني وبخاطرهَا شويتْ حزنْ !

قالتْ أي موعدْ ؟
سكتْ مدري وش أقولهَا !!
امممم

قلتْ اللي قبلْ سنتينْ !!
ضحكةْ وقالت سنتينْ !!

هزيتْ راسي وقلت إيه ,

قالتْ أنتْ من متى وأنت هنَا ؟
من متى وأنت تنتظرْ ؟

قلتْ صار لي ساعاتْ ,
سكتتْ وانَا سكتْ ,

حبيت ألطفْ الجو قلتْ لهَا بإبتسامةْ بس ماجَاتْ : ) !!

ضحكةْ ونزلتْ دمعه من خَاطرهَا وقالتْ
اجلْ ساعاتْ !!
وضايقْ علشانكْ إنتظرت ساعاتْ !!

انا صارْ لي 4 سنينْ أنتظرْ !
تخيلْ !!!

والله إني على الموعدْ ,
والله إني مثل ماقلتْ ,
والله نفس الأمانيْ اللي رسمتهَا لهْ ,
والله مثل ماوعدتهْ

حتى لبسيْ ياصقرْ والله نفسْ اللبس اللي وعدتهْ !
والله ما أبي شي غيرْ إني أطيّب خاطريْ من ذاكْ الوعدْ !
والله ما أزعلْ منه لو يجيْ ,
والله بس يجي بعاتبه ,
بقوله ياقلبْ روحكْ وينكْ !!
ياقلب روحكْ انا انتظركْ !!
ياقلبْ روحكْ طوّلت , طوّلت حيييييل !!
أشتقتلكْ ,
ياخي وينكْ !!
موب حرامْ عليكْ !!
طيب قلّي إذا بتتأخرْ ياقلبْ روحكْ !

والله ما أبي شيْ ,
بس يجي بذكره على لونْ الموعدْ ,
بذكره انه طلبْ مني ألبسْ الساعة هذي !
بذكره انه طلب مني ألبسْ السلسالْ هذَا !
حتى ضحكتيْ والله كانتْ غير شكلْ على شانْ خاطر عيونهْ !
والله ياصقرْ ماعاد أبي شي والله !
بس ليه كل هالأمَاني , ليه !!
ليه كل هالإنتظَار !!

تصدقْ عمري وقفْ ع الواحدْ وعشرينْ من ذاكْ اليومْ !

تصدقْ ياصقر وعدني لما أشوفهْ بيقولي وش ألبسْ في زواجْ إختيْ !!
تصدقْ حتى قاليْ بختارْ لك تسريحة شعركْ !!
تصدق قالي بختارْ لك عطركْ !!
كان يقولي أبيكْ تكونينْ زينة الحفلْ !!
كانْ يقولي أبيكْ تكونين فتنة الحفلْ وكنَا نضحكْ !

وينهْ !!
قلي وينهْ !!

لا لبسْ لا تسريحةْ لا عطرْ لا حفلْ لازينه !!


تصدقْ كل شي كان يمنينيْ فيه !

تصدقْ وعدنيْ لمّا نسكنْ بيت جديدْ يختارْ لي لونْ غرفتيْ !
تصدق وعدني يختار لي أثَاث غرفتي !

من ذيك السنةْ رحنَا بيتْ جديدْ ,
تصدق الغرفة مابعدْ سويت لهَا لونْ !
تصدقْ لحد الحينْ انتظرْ هو يختارْ لي لونْ غرفتي !
تصدق حتى مكتبتي الصغيرة ما رتبتهَا !
الكتب مرميه عليهَا لحد الحينْ !
وحطيت الأبجوره ع المكتبةْ بس لينْ الحين ما اشتريتْ لهَا لمّبةْ ,
تصدق لين الحينْ ما رتبتْ غرفتيْ !
تخيلْ !!

تصدقْ كل هذا علشانْ خاطر الموعدْ !
بسْ وش تبني اقولْ !
هذا انا صابره عسَى يحّن ويمر الموعدْ ,


كسَرَتْ خاطري ونسيتْ موعديْ انَا ,
وبديتْ أرددْ بيني وبينْ نفسي وهمْ والله وهمْ كل المواعيدْ وهمْ !

قالتْ وش فيكْ تغير حالكْ وتغير موعدكْ وتغيرت إنتظاراتكْ !
انا من 4 سنينْ أنتظر ولحد الحينْ أنتظرْ !

سكتْ !
وماعدتْ أتحمّل !


مشيتْ من عندهَا وانَا اطالعهَا ولفيتْ وجهي وانا شفقَان عليهَا حييييلْ ,
وقلتْ لهَا { مسكينةْ أنتِ الله يرحمْ حالكْ } !!!

قالتْ لي صقرْ ,
قلتْ لبيه !

قالتْ تعرفْ وش كانْ يقولْ طلالْ الله يرحمهْ ؟
وقفتْ بعيدْ عنهَا وقلت لهَا لا !

قالتْ بقولكْ بس وانت طالع الحينْ مر وأسأل على طلالْ أغنية { صابرينْ }
كانْ يقولْ { ياللي وعدتْ القلبْ هناهْ ليه تنساهْ } ليه تنساهْ !!
صدقني راحْ تختصر لك مسَافاتْ ,
صدقني راحْ تعيشكْ بفكرْ ثانيْ وذكريَات حلوه للموعدْ ,
على الأقلْ تذكركْ اللي دارْ بينيْ وبينكْ !!

طالعتهَا ......... فراغْ ,
قالتْ روحْ الله يسعدكْ انا باقيهْ هنَا راح أنتظرْ علّ وعسى يصدقْ بوعدهْ !

قلتْ لهَا { عسى ربيْ يرحمْ حالكْ }
وداعتكْ ربي يا إنتظَارات العُمرْ ,







صابرينْ ويقولوا الصبرْ جميلْ ,
صابرينْ ويقولوا الصبر طويلْ ,
شايلين في قلوبنَا الجرحْ ,
ناسيينْ الهناء والفرحْ ,
نستني الأمل سنينْ زينَا زي العاشقينْ !
صابرينْ .. صابرينْ ,

.
.
ياللي وعدتْ القلبْ هناهْ ليه تنساهْ ليه تنساهْ !!
ياللي رضَاك كان أغلى مناهْ ,
وين ألقاه ,
كيف ألقاه ؟
عمري ليَالي , ليالي سهرهَا عذابْ ,
خلّا أمانيْ لـ فرحيْ سرابْ
نستني الأملْ سنين زينَا زي العاشقينْ
صابرينْ .. صابرين ,

كلامْ لأشخاصْ ما اعرف مينْ !
كلام خارجْ عن الإرادهْ !
كلامْ حالة في ساعةْ هذيانْ !
كلام خارجْ عن قانون الكِتابة وأركانهَا ,
كلامْ يمر بالخَاطر لا أكثرْ ,

الكلامْ مايعني أي شيء غيرْ أنه طلالْ الله يرحمهْ أبدعْ في هالأغنيةْ ,
وهالمسَاكين اللي فوقْ كتبتْ عنهمْ ذبحهمْ هالإنتظَار : )

لـ روحكْ وإسمعيهَا بعيونكْ ,
سامحيْ الـ 4 سنينْ اللي أنتِ إنتظرتي فيهَا !
و يمكنْ يجي !!

يقولْ الحميدي الحربيْ :
{ يمكنْ بعد يومينْ ويمكنْ بعد عامْ ,

نفسه تحققْ في هواهَا رجاهَا ,

أو يمكنْ تضيع الحقايقْ بالأوهامْ ,

وتبيعه أيام(ن) بعمرهْ شراهَا , }

ودّ ,
يعطرْ هالمكَانْ ,
وداعتكمْ ربي , :2:

شوقْ الخـالدْ ,

وجميلْ أن يكونْ المقعدْ الأولْ من نصيبكْ ,
فالأكيدْ بأن الجمَال سيزيدْ إن كُنتي أنتِ أولْ الواصلينْ ,

شوقْ حذاريْ من ساعةْ الهذيانْ ,
فهي تعبثْ بالحالةْ والميزاجيةْ كثيراً ,
لذَا دعيهَا فهي مُزعجةْ , : )


الربكةْ الأولى إزدانتْ بحضوركْ ياشوقْ ,
أهلاً بكْ ,

سجدْ الدُجى ,
أهلاً بكْ ,

سأعودْ تعنيْ مروركْ على النصْ ياسارهْ وهذَا يزيدْ المكانْ جمالاً ,
سأكونْ بالإنتظَار لتلكْ العودةْ فمتأكدْ بأنهَا ستكونْ مختلفةْ وتَفتحْ لنَا أبواباً كُثرْ ,
سينتظرونكْ المسَاكينْ أعلاهْ فلا تُطيليْ الإنتظَار ,
الأ تكفيْ الـ 4 سنواتْ !!

سراب الدمع ,
أهلاً بكْ ,


كيفْ لايكونْ الجمَال بحضوركْ وأنتِ تلميذة مدرسهْ من مدارسْ الجمَالْ ,

البدرْ يكتبْ فنتألمْ ,
يكتبْ فنُحبْ ,
يكتبْ فننتظرْ ,
يكتبْ فنتخيلْ ,

وتكتبينْ أنتِ فأزدادْ أنَا والمساكينْ أعلاهْ المنتظرينْ للـ موعدْ جمالاً وروحاً تفيضْ بنَا ,
سرابْ ,
حضوركْ كان نشوةْ فرحْ لنصْ أول صغيرْ ,
دائماً كوني قريبةْ لننتشيْ ,


أهلاً بكْ ,

أنْ نكتبْ عن حالةْ إنتظارْ بصور عاديةْ ,
أمَام متذوقيّ الفنْ كأنتِ يا سَمآ فيجبْ أن نحذرْ ,


كأني قرأتْ بسطركْ الأولْ براءةْ من ذاكْ الحُب والمحبينْ ,
ومنْ ثم بنهايةْ السطرْ إقرارْ للمحبينْ والعشاقْ وبأنكِ أنتِ منهمْ !
لـ هذه الدرجةْ الحُب يحتاجْ لتخفيْ وإرتباكْ ,
أم لحظاتْ الإنتظَار لموعدْ أوّل تربككمْ { أنتمْ } أيهَا العشاقْ !
فأنَا برئْ من العشقْ ولحظاتهْ وإنتظاراتهْ ,
ونرجعْ نقولْ { مساكينْ العشاقْ الله يرحمْ حالهمْ } ! : )

سَمآ حضوركْ جميلْ لحالةْ الإنتظَار والـ 4 سنينْ ,
مساكينْ هُم العشاقْ يا سَمآ وإنتظاراتهمْ ,
حتى أني بعد ما قرأتْ ما كُتب أعلاهْ لحال تلكْ المُنتظرةْ ,
رجعتْ وقلت مسكينةْ أنتِ الله يرحمْ حالكْ ,

سَمآ إستعيديْ القبعةْ فالمشوارْ مازالْ طويلْ ,
والطريقْ بأوّله سوفْ نحتاجْ للقبعةْ كثيراً , : )

سعيدْ جداً بمروركْ يا صاحبةْ الجمَال ,
كوني قريبةْ ,

ونّة والحضُورْ أكيدْ مختلفْ مدامْ الـ أنتِ هُنَا ,
أهلاً بكْ كثر أيَام الـ 4 سنينْ ,


ورقةْ أولى :
وش صَار عليهْ وعلى موعدهْ جاكْ وإلا مابعدْ !!
إنْ كانهْ ماجَاكْ تراهْ خسرانْ !


الـ حقيقةْ :
فعلاً حقيقةْ ,


الـ أغَاني :
وإنتهَى الـ صبرْ ياونّة وش عَاد باقي !


أتعلمينْ يا أنتِ ,
الإنتظَارات أحياناً وإن كانتْ عمر ضايعْ لهَا طعمهَا وإن كَان مُراً ,
ويبدأ عاشقْ كـ " صاحبنَا " المسكينْ " أعلاهْ " بتجميلْ الإنتظَاراتْ " لعل وعسَى "
الإنتظَاراتْ ياونّه مُتعه أحياناً ,
جمَال المُنتظرْ متعه أحياناً ,
الـ خيبةْ بعدمْ الـ وصولْ لي / له / لهُم / لنَا متعه أحياناً ,
كثيرْ من الأشياء مُتعه ,
والمُوت بالإنتظَار متعه ,

صدقْ اللي كتبته أنَا ياونّه ؟
ما اظنْ بالنسبه لهُم ,
اما بالنسبه لي أحياناً مُتعه ,
وكثير إنتظرتْ لاشيء ولا أحدْ ,
لا جاء الـ وعدْ وحنّا جميعْ !!
أي وعدْ وأي جميعْ !!

نسيتني الأملْ سنينْ زينَا زي العاشقينْ ,
صابرينْ , صابرينْ !

ويقولوا الصبرْ جميلْ !
اممم رُبمَا !!


سأخبركْ بمَاذا يُسمى في نظرهمْ / في نظريْ ,

في نظرهمْ ونظركْ " يمكنْ " : )
يُسمى غباء عُشاقْ ,

أمّا في نظريْ يُسمى وفَاء فاخرْ جداً جداً ,


فاصلهْ إستعدلتْ بعدْ مقلوبكْ ,
الـ ونّة ,
مازلتْ تلميذْ أتذوقْ الجميلونْ كأنتمْ ,
ولم أصل حتى لمرحلةْ التلمذهْ ,
إنمَا فقطْ متذوقْ لا أكثرْ ,
ولكنْ الكرمْ يظللكْ فتكرمينَا ببعضٍ منهْ دائماً ,

الحوارْ لم يكنْ سِوا لغة بسيطةْ قريبةْ من الروحْ والموقفْ وكتبتْ بهَا ,
ولكنْ أتمنّى أن اكون وفقتْ بالتعبيرْ البسيطْ جداً ,



ونّة ,
يقولوُا الصبرْ جميلْ !
ونصبرْ نشوفْ وش حالْ هالمساكينْ بعدْ الـ 4 سنينْ !
مساكينْ هُم الله يرحمْ حالهمْ !!


ونّه حضوركْ فرحْ ,
خليك أقربْ من الـ 4 سنينْ لإنتظَارات المسَاكينْ ,

وداعتكْ ربيْ ,

أكبرْ جفا وش ياسَعه غير القلوب الرَافيهْ !

غريبةْ ,

مدخلْ .. }
أجي ملهُوفْ ,

مخرجْ .. }
وأتمْ بعيدْ ,

ومابينْ البينْ فراغْ ,
متَى بيسدّونْ الفراغْ !

بالإنتظَار ياقريبه ,

(0)

النشوَه والإنتظَارْ والموعدْ والكرسي الخَشبيْ والحَاضرْ الأوحدْ { أنَا }
والوردهْ اللي مَاجفّتْ " يقولونْ إنهَا تقاومْ "
والعطرْ والرذَاذْ والمطرْ والغيمْ ,
وصابرينْ ,
وياللي وعدتْ القلبْ هنَاه ليه تنساهْ !
ليه تنساهْ !
وطيفْ اللعنةْ لإنتظَاراتهمْ !
والموعدْ المهجورْ !
ووردهْ ميّته !
وأنَا احتضرْ ,
وهي لاحسْ ولا خبرْ ,

مسكينْ أنَا الله يرحمْ حاليْ ,

(1)

تلعبْ على إيقاعاتْ الـ وجعْ ,
الله ياخذْ الـ وجعْ !

(2)

آه يالحنينْ ,
لليلْ بابْ .
وله حارسينْ برد وسحَابْ .
بردانْ ,
بردانْ أنَا تكفَى ,
أبحترقْ بدفى ,
لعيونكْ التحنَان ,
ولعيونكْ المنفى ,

والله الجفاء بردْ ,
وقل الوفاء بردْ ,
والموعدْ المهجورْ مايبنتْ الوردْ !


وأموتْ أنَا ويموتْ الوردْ ويموت الوعدْ وذبلْ كرسيْ وطاحْ دمع ,
وآه يالحنينْ كذّابْ !

(3)

أقسَى مافي اللي بيجيْ ,
إني أقولْ هذَا كل اللي حصلْ ,
رحلْ !

(4)

أثاريْ المساكينْ كثارْ ! : )

أنتِ وصديقكْ المُنهكْ ,
والعاشقينْ اللي " فوقْ " بأوّل الموضوعْ ,

عسَى مازعّلكْ صديقكْ المنهكْ !
وأنتِ عسى ما إنتظرتي كثيرْ !
عسى خاطركْ بخيرْ !

مساكينْ أنتمْ يالعشّاقْ { الله يرحمْ حالكمْ } : )

{ أتخيلكْ لا جاء الوعدْ وكنّا جميعْ }
هذي توجعْ الخَاطر يا صِبآ !
هذي ماتبقي شيْ بالذاكرهْ إلا وتمرْ فيه وعليهْ ,
هذي ما تخلّي موعدْ وخصلاتْ شعرْ الا وتمر عليهمْ ,
هذي ما تخلّي ذكرى راحْ تنولدْ الا وتمرْ عليهَا !
هذي توجعْ يا صِبآ ,
من وينْ لك هالوجعْ ,
ووش اللي جابهَا على بالكْ ,
عورتي الـ خاطرْ ,

وعدكْ متى !
الصيفْ ولّا والشتاءْ !

يوجعْ الصيفْ ,
ويوجعْ أوقستْ ,
ويوجعْ طلالْ و وعدكْ متى ,
راح أرجعْ لـ أتخيلكْ لا جاء الوعدْ بموضوعْ لحَالها ,

(5)

أحسنْ الله عزاكْ الكرسيْ ماتْ !
لكنْ أنَا حيّ !

وصابرينْ ,
ويقولوا الصبرْ جميلْ !

(6)

paste

تتوقعينْ مايدريْ هالمسكينْ إنهم ماراحْ يجونْ !
اظنهْ يدري بس { مساكينْ هم الله يرحمْ حالهمْ } !

(7)

مسكينْ هالصديقْ أتعبتيهْ بندائاتكْ !
أبسألكْ هو الإسم والـ نداء يفرقْ شي بالحالْ !
ما أظنْ ,
اجل سمّيه مثل ماودكْ !

(8) / (9) / (10)

ما أحبْ أتدخلْ بينكمْ ,
خليكْ بحالكْ إنتِ وصديقكْ المُنهكْ !

صِبآ ,
الحضورْ معكْ هذيَان بحدْ ذاتهْ ,

بس مسَاكينْ العشَاق والمنتظرينْ يا صِبآ صحْ !!
:)

وداعتكْ ربي ,

الأنيقةْ / صَمتْ ,

حَرفي بسيطْ صحْ ؟
و هذَا هُو الصحْ إني أنَا بسيطْ ,
وحرفي أبسطْ ,

عسَى حريرْ الجنّه يكساكْ أنتِ وكل من مر من هِنَا ,

ومَازالْ صمتكْ يرتعشْ ببساطةْ حرفيْ ,
خليكْ قريبةْ ,

مُدمنْ فرابتشينو ,
أهلاً بكْ ,


النصْ كتب بلا تكلفْ أبداً ,
وقريبْ من سواليفْ الخَاطر بسْ ,
وهذَا اللي كنتْ أقصدهْ وأبيهْ ,

مع طَلال " الله يرحمَه " لازمْ تعيش الحَالةْ ,
غصبْ يجبركْ على إنكْ تعيشْ الحَاله ,
علشَان كذَا هالمساكينْ اللي فوقْ خليتهمْ ينتظرونْ : )


* المُلاحظَاتْ وروحكْ الجميلةْ أستَاذي ,

1- ذكرْ الإسمْ كان عفويْ جداً وماكنتْ أقصد غير إنه إندماجْ مع السواليفْ ,
وحبيت إني أقرب الموضوعْ من سالفة هذيَان وسالفةْ روحْ لا أكثرْ ,

وكَان ودي أوريك إني غيرتْ اليوزرْ : )
بس ملاحظْ إن اليوزر مسويْ لك ربكهْ وقلقْ ,
خلاص ما عاد أطلبْ منك أي شي يخصْ اليوزرْ : )

2- الأخطاء الإملائيةْ لابد منهَا ,
لكنْ تدري وش اللي متحسفْ عليهْ ,
إني خلصتْ كتابينْ بتأسيس وتحرير اللغة العربيةْ الواحد فيهمْ 350 صفحةْ
وبالنهَاية ما إفتكينَا من الأخطاء الإملائيةْ : (

لكن للتوضيحْ هو ماكَان غيرْ ربكهْ من الموقفْ ,
لأن لو تلاحظْ مرة كُتبت ضحكةْ ومرة كُتبت ضحكتْ ,
لكنْ الفضلْ يعود لله ثم لك بالتوضيحْ والتنبيه ,
ولا تحرمنَا من كذَا قرب وفكر وجمَال ومساعدةْ ,
ومازلنَا نتعلمْ منكمْ ,

3- النص مافيهْ أي تنقيحْ ,
فكرة النصْ " سواليف " بيني وبينْ روحي وطلعتْ كذَا ,
وكنت أكتب وانا اسولفْ على نفسيْ ,
ومافيه لا تنقيح ولا تكلف بالنص ولا أي شيْ : )
هذا هو مثل ما أنتْ تشوفهْ ,


مدمنْ هلا بكْ إنت ورغبتكْ ,
وياحظيْ فيكمْ ,
لا تحرمني وجودكْ و " ملاحظاتكْ "

مُدمنْ أنتْ مزهريةْ : )
:7:

أهلينْ ,

الوسنْ ..
أنتِ والإنتظَاراتْ والصيفْ و أوقستْ حكاياتكمْ حكايةْ !
أنتِ عسى الله يرحمْ حالكْ مليانهْ بالخيباتْ ,
إنتظَاراتكْ فراغْ ,
مواعيدكْ فراغْ ,
تنقلاتكْ فراغْ ,
تصدقينْ خايفْ عليكْ من الصيفْ الجَاي وش بيكونْ !
جالس أتخيلْ الـ كوفيْ والركنْ البعيدْ والقهوه اللي تحتْ الأوتيلْ والمطرْ ,
وش بيكونْ الـ سنة الجايةْ !
تتوقعينْ وعد وافيْ والا خيبةْ مثل كلْ صيفْ !
السنةْ الجايةْ الصيفْ بيتغيرْ والموعدْ بإذن الله بيتغيرْ معهْ !

تدرينْ وش اسأل نفسيْ عنكمْ أنتمْ يالعشَاقْ !
متى يتوبْ الواحدْ فيكمْ ويخلّي الدنيَا تجي مثلْ ما تجيْ ,
بلا مواعيدْ بلا همْ بلا إنتظَاراتْ بلا مطاراتْ بلا كلمةْ بوسطْ موعدْ !
صدقيني كلمةْ تنحكَى بموعدْ عابرْ تدور في بالكمْ أنتمْ يالعشَاق ألف مرةْ و مرةْ !
عادْ شلون موعدْ ولقياءْ !

الـ وسنْ عسَى العطر اللي رشيتهْ على جرحكْ من النوعْ الفاخرْ ؟
عسانيْ قدرتْ أختَار عطر يناسبكْ ويناسب مقامْ الجرحْ ؟ : )

الـ وسنْ هدي بالكْ شوي وطولي بالكْ شوي ,
سلامي لقهوتكْ وسلامي لبحركْ وسلامي للرياض ومواعيدْ اللي مايجونْ !

سلامي ياوسنْ لكلْ العشّاق اللي تعرفينْ وقولي لهمْ :
بلا مواعيدْ بلا همْ : )

يقولْ الـ بدرْ ,

متَى الشوارعْ تجمعْ إثنينْ صدفةْ ,
لاصَار شباكْ المواعيدْ مجفي ,


موعدْ صدفةْ لـ 5 دقايقْ بيخلينيْ أنتظرْ الصيفْ الجايْ على أملْ ,
هذَا موعد يا وسنْ ؟
هذَا كذبة هذَا وهمْ هذَا ألمْ : )
:13:

فَـالْ , وشرفْ الحضورْ ,
هلا بكْ ألفْ ,

( وش سويتْ يا صقرْ )
ماسويتْ شي سواليفْ روح بيني وبينْ نفسيْ وكتبتهَا وبسْ : )

_ أهلْ الحُب الله يكونْ بعونهمْ مسَاكينْ عسى الله يرحمْ حالهمْ ,
- ياهو الوعدْ ظالمْ إذا جيتهْ ولا جانيْ !!
هذي تحتاجْ أشياء وأشياءْ يافَـالْ ,
تحتاجْ خيالْ وسواليفْ شهر علشَانْ نطلع بـ أنتظرتْ أزمَان في ظلْ الوعدْ !
- وش اللي كدّر الخَاطرْ غير وعودْ المشتَاق !


* فَـالْ :
مُلاحظاتكْ على العينْ والراسْ ولكنْ للتوضيحْ ,
الموقفْ ما هو نص أدبيْ ولا فنيْ ,
الموقفْ سواليفْ بيني وبينْ نفسيْ وكتبتهَا لكمْ مثل ما سولفتهَا لنفسيْ بكل عفويةْ : )

* صابرينْ ليستْ الأجملْ , ولكنْ طلالْ الله يرحمه هو الأجملْ دائماً ,
طلالْ حالة حسّية لا تتكررْ أبداً ,

- قبلْ إسبوع نتناقشْ أنَا وأحد الإخوانْ عن أغنيةْ ومقياسْ الحس داخلْ الأغنية لفنانٍ ما ,
فقلتْ له بالعبارةْ " حس طلالْ مداح لا يتكررْ ولا راح أحد يجي يحسْ إحساسْ طلال بالأغنيةْ "
طلالْ داخلة كميةْ إحساسْ كفيلةْ بأن تهذي مع الموقفْ لمدة شهرْ قدامْ : )

سلامتكْ فَـالْ ومقدّر لك حضوركْ ,
وقدامكْ العافيةْ ,

ماعَادْ بدريْ ,
أبدعْ محمدْ عبدهْ ببعض المواضعْ بالأغنيةْ فقطْ ,
رُبمَا لأنه محمدْ عبدهْ ,
ولكنْ لا تصل لدرجةْ هذيَان حتى بالكلمَاتْ ,
عُذراً ولكنْ هذَا رأييْ : )

فَـال ياهلابكْ ,
واسأل الله العظيمْ رب العرشْ العظيمْ أن يشفيكْ ويعافيكْ ,
:2:

ريمهْ ,
ياذاتْ الجمَال الوافرْ ,
سأكونْ بالإنتظَارْ ,

أهلاً بكْ ياصديقةْ الأشياءْ ,

عزْ البدوُ ,
مساءْ الجمَال ,

كُل ما أعرفهْ أن الجمَال عندمَا يصلْ بكِ حدهُ الأقصَى ,
تكتفينْ بهكذَا حضورْ ,

وكل ما أتمنَاه أن الموقفْ إتضحتْ صورتهْ للمَاره من هُنا ,

عزْ ,
دائماً لحضوركْ الجمَال ,
شكراً لـ إطرائكْ ,
وآسف لغصَات الصباحْ ,
والله يصبركْ على الـ 5 سنواتْ !!
: )

هديلْ الـ فَرحْ ,
فرحتْ أنَا وهمْ والـ 4 سنينْ بحضوركْ ,


امممم
أعتقدْ من فرحتهمْ بحضوركْ نسوا أو تنَاسوا الـ موقفْ والإنتظَار والـ 4 سنينْ ,
حضوركْ ينسي كثيرْ أشيَاء ,
حضوركْ فرحْ حضوركْ هديلْ الـ صباحَات على غصنْ نديّ ,


فقطْ هي كلمةْ واحده ,
إن كَانتْ كتابةْ الـ 4 سنين هي منْ أجبرتْ الـ هديل على كتَابة ما قرأتهُ أعلاهْ ,
فإذاً أنَا من المُنتصرينْ بكتابتيْ ,

ما كُتبْ أعلاهْ لا يأتي من فراغْ ,
فهل الـ نصر ليْ بذلكْ ,

حضورْ وإنتظَار وكوبْ كوفي وفوّاحة عطرْ وقالبْ ثلجْ وكوبْ شايْ وإشعالْ الـ نَار ,
وكثيرْ من الأشيَاء التي أموتُ فرحاً بهَا بأنْ كُتبتْ ,


الـ 4 سنواتْ أصبحتْ 3 دقائقْ بحضوركْ من البهجةْ بكْ ,

أهلاً بكْ وكوني قريبةْ من إنتظَارتهمْ فربمَا يحتَاجون الإستنجَاد بكْ ,
فيبدوا ليْ بأن لديكِ خبره كافيةْ بالإنتظَاراتْ , : )

سَجَدَ الدُجَىَ ,
لِمَ كُل هذَا الحزنْ والعمقْ بالـ وعودْ والإنتظَاراتْ ,
الإنتظَاراتْ مُهلكة يا سَاره ,


سَاره ,
لِمَ هم هكذَا دائماً ينتهيْ الـ موعدْ بخيبهْ !
لِمَ هم هكذَاً دائماً يبنون أحلامنَا على موعدْ ثم يرسلْ أحد المَارّه ليهدمُه !
رُبمَا لأننَا الأجملْ أليسَ كذلكْ !

وكأني كتبتْ عن حَالي بالأعلى بأنيْ أحد أولئكْ العُشَاقْ ,
أعتقدْ بأني لم أكنْ أحدهمْ ذاتْ يومْ ولن أكونْ بإذنه تعَالى ,


سَاره ,
أتظنينْ بأنهمْ يحتاجونْ لكل تلكْ الزينةْ ليتمْ الـ موعدْ !
أتعتقدينْ بأنهمْ يحتاجونْ لـ وردْ أحمرْ ,
وعلبهْ غُلفتْ وأغلقتْ تماماً لأجلْ ذاكْ الـ موعدْ ,
أتعتقدينْ بأنهمٍ يحتاجونْ لـ قنيهْ من العطرْ نستحمْ بهَا لتبقَى عالقة بذاكرةْ المكَان بعد رحيلنَا ,
أتعتقدينْ بأنهمْ يحتاجونْ لكثيرْ من الـ وسَامه والجمَال بالملامحْ الخارجيةْ ,
ويتعمدونْ تجَاهل الجَمال الداخليْ !

إن كانْ كذلكْ ,
فرحم الله حَالي فأنَا لا أحملْ أي صفةْ من تلكْ الصفَات ,
إذاً أنَا لستُ بعاشقْ !!

اقتباس:

المشاركة الأصلية كتبت بواسطة سَجَدَ الدُجَىَ . . يالــ جمال هذا الطَلالْ., ويا لحسِّهْ الفنِّيْ., . . . . . . . . ويا لعظمَةِ الخَالِقْ حِيْنَ وهَبَ بعضنَاَ هِبَةَ [القُدرَةْ علَى التعمَّقِ فِيْ دواخلنَاْ جمِيعَاْ], بِكَلِمَةْ/ وِدّ جبتهَاْ عالجرح!...../جرحنَا الي مَا غفا لحظَةْ,! وِدْ بالله علِيكْ. شسَوِّيتْ فينَاْ..! ما فكَّرْ الجرحْ يغفَىْ/ حتَى وهُو صاحِيْ تصحِّيه.؟ وِدّ..ابسألك..حزنِكْ ذبَلْ؟ لا مُستحِيلْ,! { نسيتني الأملْ سنين زينَا زي العاشقينْ } صابرينْ صابرين , صابرينْ ويقولوا الصبرْ جميلْ , صابرينْ ويقولوا الصبر طويلْ , شايلين في قلوبنَا الجرحْ , ناسيينْ الهناء والفرحْ , نستني الأمل سنينْ زينَا زي العاشقينْ ! صابرينْ .. صابرينْ , . . ياللي وعدتْ القلبْ هناهْ ليه تنساهْ ليه تنساهْ !! ياللي رضَاك كان أغلى مناهْ , وين ألقاه , كيف ألقاه ؟ عمري ليَالي , ليالي سهرهَا عذابْ , خلّا أمانيْ لـ فرحيْ سرابْ نستني الأملْ سنين زينَا زي العاشقينْ صابرينْ .. صابرين , أبـ ازرعنِيْ هنَاْ, لِينْ تذبَلْ أوراقِيْ, وينكسِرْ غصنِي, وأمُـوت

حقاً يالجمَال هذَا الـ طلالْ " رحمه الله تعَالى "

وحقاً يالجمَالي أنيْ أستطعتْ الـ وصلْ لذائقتكْ ياسَاره ,
فهذَا يعني الإنتصَار للموعدْ ولجمَاليْ ,
سعيدْ جداً بأني أستطعتْ أن أحركْ شي ممَا سكنْ بداخلْ جمَالكْ وبدواخلكْ ياسَاره ,


راحْ نبقَى هنَا ,
أنَا والعشّاق المنتظرينْ وطلالْ وكل من مروا منْ هنَا ,
راح نسقي وردكْ وأوراقكْ وتبقينْ لنَا وللـ وطنْ والمكانْ وللمواعيدْ ,


سَاره أهلاً بحضوركْ ,

ريمَه ,

الأقربْ للجمَال والـ وطنْ ,
والأقربْ للـ 4 سنينْ ,
ماهي صلةْ الـ قرابةْ بينكْ وبينْ تلكْ الـ 4 سنينْ !

حضوركْ هُنا يلفتْ إنتباهيْ ويجعلني أستعيدْ الذَاكرة لهمْ ,
هل أنتِ من أولئكْ المُنتظرينْ على كراسيْ الإنتظَار المُقابلةْ !
يبدو ليْ بأني رأيتكْ هُناك ذاتْ مسَاء ,


أنَا صاحي للجمَالْ , وأنتِ !


أبو نورهْ يدندنْ ,
إسهرْ معي ليله حاولْ تحسْ بلوعتيْ ليلهْ ,

وأنتِ يالفجر البعيدْ ,
نامتْ عيونكْ ؟ وإلا بعدْ ؟


ريمَه خليكْ قريبه منهمْ ,
ولو غفوا بإنتظَاراتهم لا تصحينهمْ ,
ترى أتعبهمْ السَهر ,

أل هِـندْ ,
وحضورْ فعلاً يربكْ كل الأشياءْ !
وأنَا أوّل تلك الأشيَاء ,

أل هِندْ ,
الـ وفيّة جداً ,
الأختْ والصديقةْ والجميلةْ والحاضرةْ دائماً لهذَا الـ وطنْ ,
كنتْ أعرف تماماً بأنكِ ستظلينْ بالقربْ للوطنْ والـ موطنْ ,
كنت أدركْ تماماً حجمْ وفائكْ عندمَا كنت أقرؤكْ برسائلْ الإيميلْ الُمرسلة المُعاتبةْ لأخطاء الـ بوووحْ ,
وكنت أشكركْ على كل حرفْ ينطق بهَا ,

ولكنْ إنقطعتْ تلكْ الرسائلْ منذُ 3 سنواتْ ولم أرى منكْ عتباً ولا إيميلاً يطمنُنَا على ماوصلْ بكْ من العتبْ لأرض الوطنْ ,

كنتْ أحب جداً تلك الإيميلاتْ التي توجه عتباً قاسياً جداً في بعض الأيامْ ,
وتنتهي بأن تذيل بإسمْ أل هِندْ أو بمَا كنتيْ تحبينهْ في ذاكْ الوقتْ ,

تم إختراق الموقع بعد فترة إنقطاع من إيميلاتكْ بـ 9 أشهر تقريباً ,
وبعد الإنتقَال لإيميل جديدْ وفقدي لكافة بيناناتْ الإيميل الأول أرسلت لكثيرْ منهمْ الحكاية بأكملهَا ,
وأني أنتقلت للإيميل الجديدْ ولم أعد استقبل رسائل على إيميل السابقْ ,
وكنتِ أنتِ من ضمن أولئكْ الجميلون الذين ينيرون لي طريقي وأخطائيْ داخل أرض الوطن ,
وكنتُ أعتقد بأنه لن يصلني منكْ ردْ لأني لا أعلم سبب الإنقطاعْ ,

وأتفاجئ برد يخبرني تفاصيل الـ بوووحْ أكثر منّي !!
إذاً مازلتِ هنا داخل أرض الـ وطنْ !
إذاً أين هي رسائل العتب على أخطائي وأخطاء الوطنْ !

أيعقل أن هدأ النفس لديكْ وأصبح الوطن يروقكْ !

ثم بعد ذلكْ عوده للإنقطاعْ من جديدْ يدوم لأكثر من سنة و 6 أشهر تقريباً ,

وفي الإسبوع الماضيْ أتفاجئ جداً جداً جداً عندمَا قرأتْ الإسم يسجلْ دخولْ ويسجل ردْ !!
تلقائياً ذهبتْ للوحة التحكمْ لأبحثْ عن بقيّة التفاصيل ليتمْ التأكدْ هل هي أل هِـندْ ذات العتبْ ,
أم أنهُ تشابه الـ هند فقطْ !!

وبكلْ فرح أجدكِ أنتِ هُنا !!
أيعقل بعد كل هذا الغيَاب أن تكوني هُنا ,

لاشيء سوا الوفَـاء الذي ينبضْ بكْ وبداخلكْ من الرسالة الأولى عندمَا وعدتي بأن يكون الـ بوووح وطنْ للـ هندْ ,

لو كنتْ أعلم بأن موضوع كـ " 4 سنين , مسكينة الله يرحمْ حالكْ " سيعود بكْ
لكتبتُه منذُ زمنْ ,
ويعود بكْ بروح الجمَال وبروح القراءة ذاتهَا ولكن إختفت الفلسفة من ردكْ ,
ربمَا الرد الأول يخجل بعض الشيء : )

وإن سمحتي لي فقطْ بتوضيح لهمْ ,
الأخت : أل هِند , صاحبة فلسفة غريبة جداً جداً جداً لدرجةْ أني لا أفهم بعض الإيميلاتْ المُرسلة أحياناً !!

فصبراً وسترونْ ما أقولْ : )




أمّا عن النصْ ,

اقتباس:

المشاركة الأصلية كتبت بواسطة أل هِنـدْ , , , , , في آخر مقعد بقيت هنا.. اتأمل الانتظارات وماجنته يداك فيهم :) وكيف أثرت ( العواصف والعواطف ) و... ابتسمت! فــ تقبلني متابعة لك ,, مستمتعـــة بك .. من الصميم إلى الصميـم! [/grade]

يُشرفني ذلكْ جداً جداً ,
ولكنْ يا هِند هل تعتقدينْ بأني فعلاً أثرتْ العواطفْ !

اقتباس:

المشاركة الأصلية كتبت بواسطة أل هِنـدْ , وهنا اسمح لي أن انسكب بين مدادهم , حبرًا آخر ,,, في هذا الهذيان أخرجتني مني لأتأملك وأنت تهذي وتهذي وتهذي وكم من خفايا الأمور تطفو الآن:) لكن سأكتفي بأجملها في نظري ذلك الذي يجعل للهذيان نافذة أخرى للروح,,! حينما نستسلم لهكذا هذيان,, ونطرحه هنا,, بين الأيدي,, وأمام الأعين,, كلُ منا يقرأه كيفما رآه ويعيه كيفما يجد وهذه قرآءتي لك ولهذيانك ,, سأوجزها في سطورك,, تَخيٌل هذه الشخصية وهذه الحالة وهذه النداءات فَتح نافذه تطل على مدى حنانك وكيف هو عميق ذلك الحنان حتى يُرى في تصورك لإحساس المنتظرة مو لإحساسك انت !!! ماحكثر ماأعتقد انك اتوقعت احد يعلق زي كدا تعليق :) بس هذا مما وقعت عليه عيناي واعجبني جـدًا وأحببت أن أباهي به شخصك = يعني اقولك اني لقيت فيك شي انت منت عارفه:) هذا ما أخذني إليه هذيانك/ هذا الجمال, جمالك الآخــــر . بـ عمق وكل صدق .. تقبل تحاياي الخالصة ولل بوووح أعذبها دومًا وأمدًا [/grade]

أهلاً بكْ وبإنسكاباتكْ ,

جميلْ جداً بأني اخرجتكْ منكْ / لي ,
ولو أني أعلم أن إخراجكْ صعب جداً ,
ولكن إنتصار لي بهذَا أن أخرجتكْ منكْ / لقرائتي ,

وكنتُ أتمنى أن يخرج جميع ماجَال في بالكْ لنستنيرْ بالقراءةْ ,

كُل ما كنتْ أرغبه وأشتهيهْ بأن يقرأ الهذيانْ كيفمَا يشاء القارئ ,
لأنهُ هذيان لايستندْ لأي عمل فني أو ركيزه معيّنه او قاعدة معيّنه ,
فكنت أتمنى من كل من مروّا هنا أن يقرؤه كيفمَا يشاء لهمْ إحساسهمْ بتلك اللحظةْ ,
وأن يبتعدوا عن الشواغلْ بالموقف وهل هو حقيقة وهل أنَا حقيقة بهذا الموقفْ !! : )


النَافذة الحنونَه التي فتحتْ يا هند ,
هي النافذه الصحيحة التي تُطل كل صبَاح على حنَان يتجددْ داخل الروحْ وينمُو يوماً بعد يومْ ,
حتى وإن كان ينمُو ببطئ شديدْ جداً جداً ,
لستُ إلا أنَا هذا من الداخلْ ,
ولا أحملْ أي شيء غير هذَا !!
ولكِ الحُرية بفتح النافذَه للمنتظرينْ كمَا تشائينْ ,
فأنتِ قادرة على قراءة مباني ضخمة وليستْ نوافذْ فقطْ : )

ولكنْ السُؤال ,
هل كميّة الحنَان التي بداخلْ الكَاتب تعتقدين بأنهَا فاضتْ لروح المُنتظرةْ تلكْ !!
رُبمَا ,
وربمَا لا ,
فلا أعلمْ أنتِ القارئةْ ولستُ أنَا : )



المكتُوب أعلاهْ ليستْ مُباهاتْ بقدرْ ما هو فرحْ ,
فتح النافذه على نورهَا الصحيح ومكانهَا الأجملْ ,

وأعجبتني أنَا بقرائتكْ وكيف أن هنَاك قارئ سيكونْ بهذهْ الطريقةْ !!

اممممم
كنتْ أنوي إنزالْ هذيان آخر اليومْ ولكنْ بعد قرائتكْ يجب علي إعادة النظرْ بالهذيانْ ,
فربمَا هناك خللْ بداخله : ) ,

حقيقةْ أنتِ وجدتي شيء لم أكنْ أتوقعه أبداً أبداً ,

ويبقَى الفضل لله ثمْ لكْ وجمَال قرائتكْ وحضوركْ ,



وبمَا أني تعودتْ دائماً على الصدقْ عندمَا أكتبْ ,
فمنحاكْ الأخيرْ لم يروق لي كثيراً ,
لأني لا أحبْ القيصر ولا يروق لي : )

المشكلةْ مُشكلة القيصر وليستْ مُشكلتكْ , : )



أل هِنـدْ ,
كوني قريبةْ دوماً ياغايبهْ !

وهل يلزمْ هذيَان آخر للعودة بعد 3 سنواتْ ,
أم أنه حضورْ دائم بإذن الله !
صدقيني بأن حضوركْ كان مفاجأة لم أتوقعهَا أبداً
بعد طول الغيَابْ !