نَفْسُكَ كُرةُ صوفٍ فَهْلْ أَحصَيْتَ خُيوطَها ؟

1- بصعوبة أعبر عن مشاعري أياً كان مكنونها !!
2- ماتحمّل أحّد يوجه لي نصيحه أو يأنبني ع شي أو يزفني أو حتى يتودد لي بكلمة من ( أهلي - أقاربي ) دمعتي قريبه بشكل بايخ! - لدرجة لو كان الموقف معاتبه و كان الحق معاي يصير الحق علي لأني ابجي بخبال لدرجة اللي جدامي ياخذ بكائي حجّة علي واحساس بالذنب - إلا إذا و انا ابجي اصارخ و اتكلم لـ درجة تحسس اللي جدامي اني شرانيه !
3- أصير لبوة شرسه لو غلط أحد ع امي أو خواتي أحيان كثيرة أصير أم لأمي و خواتي ، ممكن آتخلى عن برستيجي و عقليتي و هيبتي كرمال آخذ حقهم!
4- " نفيسَه " جداً ، يعني عادي أكون متحمسه أكثر شششي لطلعة خارجية و بس يعكّر مزاجي [ شخص / شي ] أقول ماني رايحه! و عادي جداً أعننند و احط راسي وانام ! - ما تحمل نرفزه رغم اني كنت صبوره - كنت
5- صارت عندي مناعة من العتب - ما اعاتب و لا أسأل الرايح وين رايح ؟ - متبلده و لله الحمد و تعديت مرحلة أشتري خواطر خلق الله صرت اشتري راحة دماغي !
6- أمل بسرعه ! من تصميم موراضي يكتمل! معنّد لا يضبط ! من دراسة جابتر! من دراسة ماده! من بحث!
7- عيووووزه - و ما احب اكتب اس ام اس الفون و اكره رسايل السوالف الرايح راد! تنرفزني!
8- صراحتي تسبق مجاملتي دااايم - أحيان بعد ما اتكلم و اخلص اندم اني توسعت بصراحتي - لكن عزاي الوحيد اني ما تصنعتها ! تطلع بروحها !
9- ماعرف أعتذر! مو لأني مابي بالعكس أسعى لو كنت فعلاً استاهل أقوم بهالشي بس ماعرف! ممكن أقعد أضحك ضحكة عاااالية [ ضحكة المفتشل] بوجه الطرف الثاني! أو أسوي حركات بفيسي! أو أطينها زياده!
10- ماعرف أسايس الشخص اللي حاجتي عنده أبببداااً ، حتى دكاترتي لو أبي حقي بقريد هووم وورك أو كورس ماعرف اساحلهم على طول يا يقول إي يا يقول لا رغم إنو لو فاصلته باخذ اللي أبيه و فوقة زياده !

11- العلاقات الاجتماعية مشكلتي الأزلية ، فاشلة ب تكوينها من تلقاء نفسي ، دايم أنطر مبادرة الطرف الثاني! فكرة إن هل ممكن يتقبلني أو لأ تسبب لي أزمة بمخي وقلبي! يعني قبل آسلم مثلاً أو أسأل أو أو يسبقني بمخي بإشارات وايده ( هل هالشخص بيرد برحابة - هل بيكشر - هل هل هل هل ) ، حتى لو أشوف شخص مثلاً على علاقة سابقة معاه صدفة بمكان ما أسلّم وأسوي نفسي ماشفت مو كِبِر و لا خجل احساس له دفنشن ماله اكسبرشن! أهون عندي هو ينتبه لي و لا أنا! - لو زميله مثلا قبل شوي بكلاس تستفسر و نسولف بنقطة و شفتها بالكوفي آسوي جني ماااشفت! مادري هذي الحالة شنو اسمها / وصفها! بس من عمر لصيقة فيني مو شي يديد تصنعته ع كبر!

12- أكتفي بالأرقام الصغيرة فحياتي! ماحب التكديس! بدءاً من صداقاتي اللي ماتتعدى أصابع اليد الوحده! وحبذا تكون اليمين! مروراً بأتفة و أكبر المواقف بحياتي ، لو رحت آشتري كتب لو اشوف إمية كتاب خاطري فيهم و ناويه عليهم من زمان آخذ أقل عدد ممكن يمليه عليه مزاجي حزتها تقريبا مسألة نسبية بس الأكيد أنهم يوصلون للثلث! ماقول إني قنوعة! بس نفسي تحب الاشياء الصغيرة اللي سهلة جدا أقبض عليها بإيد وحده و أهضمها بسهولة / باكتفاء! ماحب اتوسع ب اشيا وايد تسبب لي ربكة منو اختار أوّل منو اسمع أوّل منو ألبسه أوّل منو أراضي أوّل هالصديقة و إلا هالصديقة خاصة لو كانت صداقاتي مشربكة!
13- ماعرف اعيش من غير أمي ، موشي يديد آدري وشعور عادي وتعبير مستهلك! بس أنا أحس هالاحتياج عضال! ما اقدر آزور مكان بدونها ماعرف أسيّر ع ناس غرب أو قرب و هي مو معاي! مجرد بس آدخل الليوان و آقط عباتي و اتعطر وهي مو ع يميني تبدا الدموع تتجمّع ببلعومي! ماعرف آروح سوق بدونها! رغم أنّه أذواقنا مو متشابهه بس لو شنو ماعرف اختار شي بدون شورها يكفي تصير معاي وبس! حتى بدخولي الجامعة إهيا دخلت بدالي كنترول التسجيل و حطت لي ترتيب رغباتي! دايم أقولها تربيتج لي كانت غلط حيل علقتيني فيج! ماقدر أتحرك الا وانتي معاي! ماعرف اروح طبيب الا وانتي معاي ماعرف اروح سوق الا وانتي معاي ماعرف اسير ع ناس الا وانتي معاي! ماعرف اتكلم الا و عينج تطمني! ماكنتي تخليني اطلع بروحي من صغري مع رفيجاتي مع خالاتي و يوم بديتي تسمحين لي ع كبر صرت من نفسي ارفض اذا انتي مومعاي! تعلقي هالكثر فيج غلط!
غيابها يفززني من نومي :( كل سنة تحج تبارك الرحمن و كل سنة لما يقرب موسم الحج مناااحة لين ترد! لما تسافر سفريات بروحها روحي تتم معلقة لين ترد! برب دمعتين :/

14- دام ذكرنا الوالده وفاءً بذكر أربعيني منوّرلي حياتي ، أعظم رجل بحياتي و أحلى دهن عود شميته كان ع رقبته و كتفه و راحة يدينه ، أحبه حيل رغم أنّ هالحب محسوس مو ملموس! أوّل من أثرت رجولته ب حروف " بابا " ، نادوه ب اسمي فترة ، أوّل ياهل يقرى عليه كل ليلة إلى الآن! أوّل طفل بحياته يحفظه المعوذات والكرسي ودعاء المكان! أوّل ابنة فحياته تشرفه بامتيازاتها! كنت أوّل بيبي فحياته داعبه و أذّن ب أذونه ، أوّل بيبي خذاله بامبرز و لف فيه جمعية الشامية ، أوّل مراهقة طبق عليها كتب المطوع و الثويني هههه ، أوّل بيبي يلف المثنى لفففف عشان يدورله جنطة طبيّة للمدرسة ، أوّل بيبي يصمم له شوز خاص طبي للابتدائية و يخاف ع أكبر و أغور شي ف جسده ، أوّل صبيّه يدورلها ساعة رقمية تسهل عليها قراية الساعة!
ع كثر حبنا ع كثر ما هالحب راكد من فترة!
أذواقنا تتشاااابه! بالعطور بالساعات باللبس! بالأكل أحيان! بالطبايع بالعناد بالثقة اللي ماتُعطى بسهولة! بالتردد بالاستخارة مليون مره! بلوم النّفس! بالزعل مدة طويلة! بقسوة القلب أحيان اللي ترضخ ب أتفة وسيلة رضا لو كانت بوسه ع الطاير!
نتشابه وايد لكن أفكارنا متصادمه دايم!
بموديل سيارتي بتخصصي الجامعي بساعات نومي بأسلوب نقاشي بنصايحي لأخواني بعلاقاتي مع الأهل bla bla bla
من كثر ما قمت أحلل طبع الأربعيني و البون الشاسع عن مرحلة الثلاثين! لقيته يصير طفل لازم تداري خاطره ع حساب خاطر عقلك و قلبك ع حساب مودك و نفسيتك! تاخذه بقلبك و تغطيه بعيونك و إن كنت مو محتاجه لابد تحسسه بحاجتك الدايمه له و أن الدنيا متوقفه عليه وبس!
أكره شي عنده لما يحس أنّه أحد عياله فجأة استقل ماديا و عاطفيا بعيد عنه! يحس أنّه شي انتزع منه غصبا عنه! يبدا عاد يفرغ ألمه بهالشي بجفوة أحيان و أحتياج أحيان! ونظرة عتب تنقرا ما تنسمع!
صرت حريفة ب إشباع أربعينه : أتلذذ باستغبائي جدامه و أتوسله إجابة! أمر عليه يبه عندك خرده ؟ مع انه بوكي مليان! استشير ذوقه بساعاتي لبسي كل شي يحسسه أنّه للحين ذوقه كبييير و أنيييق بعيييني
أحيان ياخذني الصبح ع اساس نتريق وعندي محاضره !بداخلي ودي آقول لا ماكو وقت ! بس ادري أنه يدري بوقت محاضرتي ومع ذلك يبيني أشاركه! و إن قلبه طفل وبخاطره يشاكسني ويبتسم قلبي و أرضخ!
عزاي دايم أنّه حبي الكبير و سندي و أحَبْ ريحة رجالية بحياتي!

15- خالتي تحذرني دايم " اللي خايف من العفريت يطلعله " :) و أنا أخاف من عفاريتي وايد ، عفاريتي الوجه الثاني لأخطائي السيئة المدسوسة بيني وبيني :) ، رغم أنّها تكون مطموسه بداخلي إلا أنّ تفكيري بأنها ممكن تطفح من أعماقي و تتكود ع ويهي و يقراها الكل يخليني أخاف و هالخوف يجذب كل طير شؤم و ينصبه ع كتوفي :) ..
الغريب أنّ تفكيري فيها مجرد تفكير هل بتطلع يوم و تنعرف ؟ مجرد تفكير عادي! بس معاي يصير جذب لعفاريتي عشان تناطط بواقعي و يشوفها الكل :) " و اللي مايشتري يتفرج " ..
16- ما اسمح لمخلوق يخرّب علي جدولي لأيّ مهمة أتكفل فيها أو أٌكلّف فيها ، يصيبني هالشي بربكة حادة لأني مو مرنة بتاتاً ، نفس لما أكون بحارتي و يحوشني واحد دايخ ويميل علي ما اقدر اتفاداه و اميل ع الحارة اليسار و إن كانت فاضية أتم امبتله بحارتي و إن كان ودعمته so what ، هالكم ثانيه الـ مابين ( ميلانه علي ) و ( الباك للوضع الطبيعي ) تكون الرؤية عندي مضببه و النفسية تحت الزيرو و عقلي ضارب شوط! so جدولي هو جدولي محد له حق يتطفل عليه ويخربه لي عشان يبخشش مزاجه!

هنا ملفآت الذآت السريه نقرأها بتمعن وعمق كبير , سأعود لأحكي عَني :13:

نفسي ,
أنتِ حكآية:10:

17- بالي طويل ب المجادلة ، لو موقف فيه مناقشة طويييلة ماعرف أنهيها بدون لا أفرغ كل شي ب خاطري ماعرف نظام الي يسكت و يختار وقت مناسب ، اتحقرص لين يتكرم و يزورني هالوقت المناسب احب اروحله بريولي بكوزني إنسانه مادري شلون مخي يعورني لما افكر بموقف حكرته ب قلبي ، بكوزني من الناسات اللي تحلل و تضرب و تكعب ب ورقة و قلم ضوئي على صفايح مخها ( المخ فيه صفايح ؟ ) ، لو اني قايله لو اني متكلمه لو موضحه لو بس منهيه الموضوع لو لو ألوْلُوْ واااااايد :(

18- قلبي يقرصني لما تعمّر الفكره ب مخي ! احسها وراها شؤم ! بمعنى لو ترددت ما آقول ممكن يكون تردد لا اكثر .
19- ماحب اسأل عن أشيا إن بدت لي تعكرّني! ، أحيان كثيرة أكون في قروب عمل أدري انه اللي معاي مايطمنون خير شر و ان كل من فيهم محتواه الداخلي متناقض تماماً مع محتواي انا و ممكن يضرني لو ف يوم طوفانه الداخلي غار عليْ بس وايد حذره و اتحاشى أعرف حتى لو يت لي المعلومات لي عندي مو خوف كثر ما هو أشفق ع نفسي لو انصدمت! ، لأنّي من اللي اذا انصدم ينصدم بشكل يعذب روحه : يتعّب نفسه ، اتأذى وايد لما انصدم ، معني مع الصدمات ربع ، so يهمني اعرف هالانسان سيء or not لكن why & how " أخاف " المستخبي وراهم :)
20- هالرقم يمثّل احلى عمر مر علي ، بريك فاصل مابين الـ ( مادري شبي ؟ ) و الـ ( أدري شبي ) .. يجوز قبله كنت ادري بس اتعيما أو مو ماخذه الحياة كَحياة! بعده اتضحت لي وايد اشيا مخشوشه عني أو على الأحرى ضايعة مني ، احس اللي ماتتضح له حياته بعد هالسن مضبوط و تتم روحه تايهه معلقه فارغة مايدري متى ترد تستقر فيه و يستقر فيها مسكين!
21- فضائي مو ضيق بتاتاً ، حواليني الجو حركي و زحمه بس داخلي رتابه معمْرَه من سنين ، رتابه و غبار و أشيا متصَنمه من سنين بمكانها ماتزحزحت يبيلي نفض ، اللي داخلي ذاوي من شي سنتين ، كلما كبرت اكثر ذوى اكثر .

1-

أنسى كَثير :)

2-

مُتسرعة بس عمري ماندمت :)

3 -

أعشق الصَباح وفيروز وكَثير رآيقه وأحب الحياة كثير كثير وإن كان احيان حآلي يحكي عكس كِذا , إيجابية وجواتي ما اعرف للحياة الا لون واحد الأبيض :)

4-

وَفية بس إذا قفيت قفيت وأكثر ما يخليني أقفي كثر التعب وهدة الحيل :)

5-

أتعب وجواتي تعب بس ما أبين أبداً وقليلة شكوى حتى لو كآن من كثر التعب الموت واقف ع رآسي :) ( صَبورة ) لا أكثر من صَبورة

اقتباس:

8- صراحتي تسبق مجاملتي دااايم - أحيان بعد ما اتكلم و اخلص اندم اني توسعت بصراحتي - لكن عزاي الوحيد اني ما تصنعتها ! تطلع بروحها -

22- بالمقابل ماحب احّد يجاملني ، المجاملة تحسسني انه في طرف مُشفق عليه و طرف يشفق فيترجم شفقته مجاملة ، أكره أكون بموضع شفقه!بموضع يعوّر! ما اغفر للي يجاملني! أنفر ببساطه و اسد عليه كل طرق العوده لأن الثقه انطرحت منه! صار سالب! رغم إنّي أذكّر نفسي دايم ب أني ماكون من اللي اذا خاصم فجر! بس ما اقدر قلبي مايساعدني يتقبل نفس اكتشفت انها كانت تجاملني ما اقدر ما انسفها من حياتي!
23- ماحب الياهال :d يب يب ماااحب الياهال ماعرف اتفاهم معاهم يعني يادوب ابوس الياهل من بعيد لبعيد ماعندي طرق تواصل معاهم! البيبي المواليد هذول نو وي اقرب منهم حتى شيل ما اشيلهم وبس احط خدي ع مهادهم و اشمه ماقرب خير شر ،
( نقل حي http://www.qnadel.net/vb/images/smilies/biggrin1.gif : خالتي الدبه سوّت فيني حركة اليمعه حطت بيبيها ابو ثلاث اسابيع و انا مندمجه بالفيلم بحضني و بدون مهاد لو بمهاد عادي! صرت اصارخ و اضحك و تشنجت : شيلوو الكاااائن الهلاااامي يعوه وخروهااا خخخ عندي فوبيا من اجسامهم أحس شعور يخ لما ألمس جسم مافيه شي جاسي أمسك الياهل منه و إهوا يتمغط بيديني يييممه ) - احب الياهال لما يبدون يحبون و يقعدون ويسولفون يمممي هذا احلى سن عندي و السن الوحيد اللي اساحل فيه الياهل واسيح معاه - بس يمشي الياهل بعايلتنا ماعرفه و يبدا عاد ينقطع الارسال بيني وبينه ، الحكاية انه عيال خالاتي الوحيدين اللي اسيح معاهم و ميانه وضحك عادي! و رغم هذا يهابوني ، الغريب فيها انه عيال خوالي اللي مابيني وبينهم اي ارسال و استقبال و المواصلات مردومه بينا اصلاً يمونون علي بشكل بااااااااااااااايخ لدرجة يحسسوني إني ألعب معاهم بالسكيك!http://www.qnadel.net/vb/images/smilies/fo.gif فجأة ألقى فوني برا الباق يلعبون فيه قيمز! واذا خذيته ردت علي مناوي عادي ترا اعرفله خالتي عندها نفسه! يعني كلش انا ماخذته منج عشان ماتعرفين له موعشان لقافتجhttp://www.qnadel.net/vb/images/smilies/c.gif! هذا و انا ما احتك فيهم شلون لو احتك! الشي الثاني ولد عمتي بالزوارات مآلفني http://www.qnadel.net/vb/images/smilies/biggrin1.gif هذا عاد مالحقت على مراحل نموه كطفل الا مره و الا مرتين بس و انسحر فيني .. و الله عجيب هالسلوم يعني ماشاف مني بوادر طيبه مع الياهال شلون انسحر ؟ http://www.qnadel.net/vb/images/smilies/biggrin1.gif ، ايام الشاليهات اذا امه موموجوده مايبي الا انا http://www.qnadel.net/vb/images/smilies/flirt.gif ، شالسالفه يالاخو لاعرفك و لا تعرفني ؟ http://www.qnadel.net/vb/images/smilies/blush.gif http://www.qnadel.net/vb/images/smilies/biggrin1.gif
المهم اني راح احب عيالي بكل مراحل حياتهم < آوت انتي و نقطتج http://www.qnadel.net/vb/images/smilies/blush.gif
24- لما تستنزف طاقتك بـ اسميين حزتها بتخسر روح ع حساب روح ، لما روحك تتفرع لروحين صعب يتمُّون روح وحده و هم منفصلين لابد كل روح تناضل للعيش لنفسها وبس ، بتتم كل وحده تسحب من الثانيه مايها و هواها قد ما شياطينها تقدر ا و يمكن تبيّعها بيتها بعد و بالتالي تفقد نص روحك و تتم بنص ! و هذا الحاصل ، بس لما تتم بنص يبدا النص الثاني يذوي ، هذا يعني انّك حسيت بغلطتك و تمنيت لو تام ع روح وحده http://www.qnadel.net/vb/images/smilies/flowr.gif