بيآض : وظهريتك خير يآرب
وصلت : *


ريون : أنا اموت وأعرف هم يطقطقون في أيش بالضبط !
يعني من عرفتهم وهم طق طق طق طق !
بس البيت الأبيض ماتغير للحين .. وين الهدف الل يطقطقون فيه بالضبط !!!!
بس صوت من غير صورة : )
حالياً : هاجدين شكلهم يتغدون يمآل العافية .. هذا والله أعلم : )



هديل : مآودتس نهج .. خخخ مدري ليه لو تعمقت مع ذآك المدعو حنين يجي في بآلي سوآلفنآ وهبآلنا في ليلة من الليالي اللي مدري وش كانت تحس فيه !

وظهريتك .. كب كيك يحبه قلبك .. محشي بفنآونه
مدري متى بقول لـ شهية الحلويآت عندي :
بس






ريون مرة أخرى : يآرب يآرب

عز :
ميب شينة صراحتن ! بس ودّتس نهج لـ وين
و لا تقوولين : بس , استمتعي


حلاوه , حلاوه , حلاوه :
هالبنت لا تفوتكم حلاوة روحها يا ناس بوح +
ومنوّرتنا انتِ و هذرتتس , لبّى السوالف يوم هي منتس

[ ]

عز و ريّانة ,
شخباركن مع الطقطقه ؟
تشمّتت بكن ف خاطري و الله بلاني !
بس ابتلاء من العيار الثقيل | يتمثّل في شغف أبي و - فضاوته - التي تحتم علينا
انوا نستقبل كل ٣ أشهر عمّال ف بيتنا !
مره البوية قديمة ! مره الجدار مايل ! مرّة الإضاءة مش عاجبته ! مرّه خويّ ولد عم جار صديقه مسوّي ديكور سقف خلاّب و عجبه
و الله من زود الروقان يا بيّي عسى الله يحفظك لي بس
و ختام هذا الموشّح :
طرب يا طق طق طق طق طق !

[ ]

و الله ياختي ميب حالة !
أمس راح صوتي و أنا أهااااوش !!
وش يقول بكل برود ؟
نستأجر بـ اوتيل ليما يقضون !!
أترك بيتي و عفشي و حاجياتي و مشاغلي و أترزز بـ اوتيل عشان تصبغ غرفة و تغيّر أثاثها ؟
قالوا عقل للايجار
يالله حسن الختام بس ما أقول غيرها



< ما يعجبها شي ذا البنت

[ ]

والله ظلم !
صمخوا روسنا بذا الطقطقة تقل ما فيه وقت أنسب من الصباح !
أمس مسلسل الهواش مع أبوي ما انتهى و آخرتها يقول : لا يكثر يا بنتي و تعالي تعشّي !
هيّا مانب متعشية و بـ أتفتت جوع و أقيم مظاهرات ليما تركد و تبطل صلة رحم لا تنتهي مع عمّال الموبيليا



< أفطرت من قلب اليوم من زود الجوع

[ ]

بياض :
أعزمِك بـ بيتي , بالاوتيييل ليش ؟
< أحسّك تقولين وش أرجي من بيتك أنا أبي اوتيل و رزة و سعة صدر عن البيوت

خوذيني معتس !
يا لبّى ( حلاوة ) من يومين افتقدت الفرفرة معها بشوارع الجامعه
أحسّ إني صرت خااااااملة !

[ ]