.

.




حط عينك في عيوني وقل لـ اصابيعك تِضم
.................... كل قطعه من ضلوعي هدّها طول الفراق !
و قرّب آنفاسك تجاهي خـاطر انفاسي تِشم
.................... مِبطي ضلعي عن عناقك يا بخيلن بالعناق

____________________________________

.

.




رحلت*
ومارحل وجهك ..
وجهك اللي
كان العام ساكن ..!
في نسيم الصبح
واللي غدى *
يا قديم الوجه داكن !
رحلت
و مارحل وجهك ..*
وجهك اللي*
سكن بآقصى عيوني ..!
و اللي به رحل
ضحكي و لوني ..
رحلت*
ومارحل بعدك زحام
في عطر ثوبي و / الكلام !
انا كل ليله كنت اشوفك
*ما تغيب ..
و لمّا اسال ليه خوفك ؟
ماتجيب !!
رحلت
ومارحل وجهك ..




ياقديم الوجه وينك .. ماغدى بَعدك / بَعد
تدري اني ماخذلتك .. ليه تنساني هناك
في رصيف الوقت وحدي ليه ماعندي احد *
لاتركني الوقت اسلى ولاعطاني ما عطاك

____________________________________

إنت الما وَ الحلا واجمل الزين ..
.................. وإنت الذي لاجيت ودّي أعـضّه !
تعال اسكن فـ القلوب / العينْ ..
.................. عطني معانق خشّتك ... لحظـه




* مستوطنتني رغبة " أ ك ل " غير طبيعيه لهالبنت /:

____________________________________

تدري وش اللي حيّر اليوم ظنّي ؟
..................... إني حزين وخاطري فيك راضي !

____________________________________

لو تميل شوي عنّي .. مَعك أمِيل !
..................... وسط جوفي لاتظن إني بَ مِلْ ..
ماني بزعل يوم تطري هالرحيل ..
.................... مير أحـبك والسفر ما هو سهل !
ماهو سهل ٍ يرتبك فيني القليل ..
................... دام ظهري مـِستند باللي حَـمل ..
ياشموس الشوق لو ذاب العليل
................ وش حيلة المشتاق مهما لك عَمل !
أجمع أشيائك وخوفي لا تطيل
................. حتّى ضلعي خايف إنك مَا تِطلْ !
خايفٍ هالدمع من حاله يسيل
............... لا تسافر ! . . مَا أبي دمعي يِهـل
آه لو تدري عن شعور الخليل ..
................... وكل واحد يعطي للثاني مـحَلْ ..
كان ماتغفى عيونك ألف ليل ..
.................. وكل خاطر منك يرضى ما زعل ..
لاتجوّع خاطرٍ أصله نحيل ..
.................. أكـرمه بالشوف يغنيه الأكل .. !
ماني بزعل يوم تطري هالرحيل ..
.................... مير أحـبك والسفر ما هو سهل !

____________________________________

.
.


والله اني
لانمت بك أحلم !
وادري لاحلمت
مانيب ألقاك ..
كفاك البعد ..
ماكفى هالليل أعتم ؟
ماكفى زولي
تشوفه ب أشياك !!
لاتنشد الحب
وحبنا أقدم ..
و احق الناس
في وردة و شبّاك !!





ليه لاجلك مات صوتي من كسر ظهر الكلام ؟
ليه يزعجني ملامي وانا دايم في يديك !
واللي سوّاك بعيوني من كثر جور الملام ..
انا حتى في عتابي ينفطر قلبي عليك !!
ماغدت عندي مسافه ولا رحل فيني زحام
ولاذبل وجد الاماني وانا دايم ارتجيك

____________________________________

.

.


عَيْ ..
لو غيابك يبي شي !
شفني خنت انتظاري ..
يشهد بها ليلي ونهاري ..
وقلبن داخلي لك حَيْ ..
عَيْ ..
دام بخاطري لك شي !
ماعاد باقي لي خيار ..
الا بسمه و انتظار ..
تنتظر لو غَيْ ..
عَيْ ..

عٌمر الليالي ماقضت امر محتاج
مثل الهجير اللي تجيه ويخذلك !

____________________________________