أعترف

(( كثير أشتقت )) لــ .. /

هوآء الرياض .. ريحة الرياض .. حواري الريآض ..

(( كثير أشتقت )) لــ .. /

شوارع الرياض .. شعب الرياض .. وأهل الرياض ..

(( كثير أشتقت )) لــ .. /

لشآرع التحلية .. والعليا العام .. والفرفره فيهم .. وحرب داحس والغبراء حول الراديو .. وحكم قراقوش بإن أبو نوره هو من سيحيي الحفله .. !
والـ russian coffee لما يكون هو ختام السهره ..

* كلك نظر * يــا * أقرب الناس *

(( كثير أشتقت )) لــ .. /

لشارع الثلاثين .. والسيفوي .. وطلعة آخر الليل .. وين بتروحون ؟؟
ابد مب بعيد هنا بنده وراجعين .. لاتتأخرون !

إن شاءالله ان شاءالله ..

السياره صغيره مش مهم .. 7 وراء يكفي الضيق ضيق القلوب اركبوا بس !

وين تبون .. بنده !!

وشوووو لاتصدقون اي شي نقوله للداخلية ؟؟!

امشووا ياللا سيفوي الثلاثين ولاشئ آخر !

(( كثير أشتقت )) لــ .. /
الدبينو .. انتركوت .. الريف .. توتي .. تاو .. العبدالوهاب .. جريل .. ووتر ليمون .. حتى بوفية عرفة والكولا أيام الطفرة !!

(( كثير أشتقت )) لــ .. /

المملكة و هوليوود بلانيت .. والtea garden وحب الأناقة وإدمان الساعات وطبعاً (( الملفييه )) عشق الفرنسيين الأول والأخير .. وعشاق فرنسا .. وفرنسا .. وباريس .. مدينة العشاق !
من جنبك يالحفلة .. والله لأوريك إن مارحت ودقيت عليك من هناك بس اضحك وأسكر ..!

(( كثير أشتقت )) لــ .. /
طريق الملك عبدالله .. ستار بوكس .. وألكترو .. هناك في الكترو بتلقين التكنولوجيا تحكي .. ياتكنولوجيا .. فعلاً * ألكترو * كان غير شكل !

(( كثير أشتقت )) لــ .. /
الثمامة .. وحررر الرياض الذي لايطاق .مدري وشلون عايشين هنا .. ههههه بلاها ماحصلت لك ..
لا بتحصل .. انتوا بردنا وسلامنا .. ضحكة إنتصار .. شكراً .. لقيتي من يسكتك خخخخ ..

(( كثير أشتقت )) لــ .. /

الساعة 12 .. روتانا خليجية .. جلسة سهر متفاوته مابين الشاي والنعناع .. والشيبسات والشوكولاتات والدب وانوواااع المشروبات .. ومحمد يغني (( ما أرق الرياض تالي الليل )) ..
والقيامة اللي تقوم لما تتغير المحطة قبل ماتنتهي السهرة !!

(( كثير أشتقت )) لــ ../

للساعة 6 الصبح .. جلستنا بالحوش ننتظر الفول والتميس عشان نفطر .. ومزاجاتهم الغريبة لما يطلبون (( قلابه )) .. و 5 ساندويتش طعمية .. وقولة .. والله ان عرقكم مصري خــالص ماودكم بشاهي دم غزال عشان تكمل ! !

(( كثير أشتقت )) لــ .. /
الله يحييك .. وسلم ولا تعلم .. ولاتتريقون لو سمحتوا .. و في ذا .. والكلمة السخيفة تعبر عن ... !!
وسفنية نوح !

(( كثير أشتقت )) لــ .. /

للرياض .. يــاريحة أهلي .. !