* صوتك ينـاديني *

فال · #1 (**permalink**) 21-01-2012, 19:29

شمال والليل اشتعـل رعـد وبـروق
وتقول وشبـك ماتزيـح الستايـر ؟

حتى المطر يا" هنـد " ماعاد لـه ذوق
طعمه تغيّر .. مدري اشلـون صايـر

فال · #2 (**permalink**) 19-03-2012, 18:36

رحلت عنّي وانت ماقلت لي شي
غير الدموع اللي لها .. الف معنا

مامت حبك حي وانته بعد حي
موت ٍ يفرقنا وطيف ٍ جمعنـا

دايم معي وايديك ماسك بها ايدي
نسولف ولا حي ٍ قريب ٍ سمعنا

الموت مـوتي لاتلفّت بالحـي
ولا لقيتك يا فهـد فيه معنـا

جيت المكان وجيت مجلسك بالفي
المجلس اللي في صفـاه اجتمعنا

ولا قيتك واظلم بعيني الضـي
لاشك لأمر الله سمعنا وطعنـا

فال · #3 (**permalink**) 08-04-2012, 11:03

,.,

لاتنشدين الغصن وش فيه ذاوي
ملّيت أجاوب كل من صاح نشّاد

هـذي مواري علّتي والبـلاوي
وهذي مواري دمعتي حزن واحداد

هذي جروحٍ مبطيه .. يا مضاوي
دايم عليها تنزف اجروحٍ اجـداد

فال · #4 (**permalink**) 01-11-2012, 18:14

شكراً سحايب على لطفـك
انتي مطر والصحاري الناس

قلبك شكـا من كثـر عطفك
لا بـاس هذا التعب لابـاس

أغليك وان كنت ما عرفـك
اخـوين يجمعهم الاحسـاس

رسمك لحن رائع وعزفـك
على القلـم نـوَّرالقرطاس

.. البدر ..

فال · #5 (**permalink**) 15-11-2012, 22:58

( ميّ ) هذي بنت لامن شفت صدر الليل ضايق
ادري ان عيـون ( ميّ ) اليوم طـال نعاسهـا

فال · #6 (**permalink**) 10-05-2013, 19:33

قلـب ابوسليمـان وقـادي
من سمومه ذاب آجا كلّه

يا بعـد حيّي والاجـدادي
ارحـم اللي صابته علّـه

وان ذبحني يا عوض عـادي
من يحاسب يا عوض خلّـه

فال · #7 (**permalink**) 07-08-2013, 21:34

,.,

لا تفتحين الجـرح تكفين يا نوف
أقسى الكـلام اللى يمـر بليانه

هاجرت بظروفٍ وعوّدت بظروف
مـ اذكر جزيت اللى وفا بالخيانه

وش يذبح الرجال غير إنه يشوف
أخسّ خلـق الله .. يـاخذ مكانه

طلال حمزه

الذين يشاهدون محتوى الموضوع الآن : 1 ( الأعضاء 0 والزوار 1)