شعوري .. الحين !!

R and Z · #1 (**permalink**) 06-09-2007, 14:20

اليوم كل شي " اختلف " .. فيني شعور { ما ينوصف }

.. لا هو فرح ولا هو حزن !!

اليومـ سمعت انّ " الملكه بعد عيد الفطر " !

يعني افهمـ انّ حياتي بعد " عيد الفطر " ما هي حياه !

اي حياهـ من غيرها ؟!

في " صباحي " تدخل علي و تقول : { يكفي نت } !!

كنت اقول : { مالك شغل }

يعني انسى ( الساعه 7 ) !

لما كنّا " نتسابق " عَ الريموت !!

كـنت اقول : حطي فوور !

تقولين : لا تحاولين _ انا " الكبيرهـ " ..

كنت ازعل واقوم .. كنتي تصارخين ( بعد " قرانديزر " حطي الي تبين ) !

ياآه .. تكفين قولي وشلون انسى ؟!!

طيب .. وان نسيت الي مضى !! _ كيف ابنسى الي بجي !

هالتيشيرت ولاّ القميص احلى ؟!
الصندل ولاّ الشوز ؟!!
الراشد ولا جيان !
موندو ولا شيليز ؟

اتركينا من هذا كلّه _ واسمعي هـ الاسطوانه الحين ..

_ حلو الفستان ؟! اشتريه ؟!
_ لا .. عادي
_ بس عاجبني ،، واروح المحاسب .. واشتريه !
_ طيب ليييه تشاورين ؟!

علميني .. اشاور ميين ؟

تصدقين ..

اني " احسده " !! واني كل يوم اسأل : هو يستاهلكـ ؟!

آه لو تدرين ،،

فيني عبرهـ
اخاف " ابكي " وتجيني " تضحكين "
و بعد ما تضحكين _ تبكين !!

تدرين ..

ودي اعرف " بعد عيد الفطر " وش بكون ؟
و ودّي افهم { شعوري } الحين ..

دِيسمّبر ، · #2 (**permalink**) 06-09-2007, 16:02

اعتــراف ..

تصـدقيــن مــرت سنـة على إفتـتـاح المنتـدى

وأول مـره اشـوف هـذيـان بمفـهـوم الهـذيـان اللي كنـت اقصـد ..

الهـذيـان اللي اقصـده حـالة يـنـخـنـق فيـها الـواحد ويبي يقـول كـلام

بس مـايطلع معـه لا قصيـدة ولا خـاطرة ويطـلع معـه كـلام من الــروح

يفضفض فيـه هـمـه .. اي كـلام حتى لو كـان الكـلام ملخـبط

بس المهم انه هـذيـان

هـذا هـو المفـهـوم والهـذيـان الصـح

ابي اطلع انـام الحيـن شـويتـيـن ولي رجعـه لهـذيـانك وفـرحة وحـزن عيـد الفـطر

سـوري بس من الفـرحة بالـمـوضوع قلت لازم اقول اللي بخـاطري

*

شموخْ إنـسَانهْ ! · #3 (**permalink**) 06-09-2007, 16:25

:::

من جد من جد صدقت يا دنيا .,,

أول مره هنا استمتع اقرأ الموضوع أكثر من خمس مرات لاني استمتعت فيهـ حييييييل..

جدا رااااائــع ما كتب وما عبر عنه هذيانـكـ ,,

أتمنى لك الحياة الراائعهـ يا راائعهـ..

:::

R and Z · #4 (**permalink**) 06-09-2007, 16:34

دنيـا غـريـبـه للأســف

جبتها على الجرح .. " يختنق "

هذي الكلمه تختصر موقفي كله !

على العموم ..

نوم العوافي

و / بـ انتظار عودتكـ

نور الدنيا · #5 (**permalink**) 06-09-2007, 17:47

( ترى الذكــرى و لو حلــوة طواريهــا تهــد الحيــل )

.
.

R and Z

رجــع بي هذيانــك سنتيــن مضــت من عمــري

( يــــاه نفــس الشعـــور بيعــــود )

.
.

لي عــوده اشــاركك فيهــا شعــورك بإذن الله

انتظــريني

.
.

ســـاره . · #6 (**permalink**) 06-09-2007, 18:01

الجــنــــون القـــادم :

R and Z

..
..
..

اليومـ سمعت انّ " الملكه بعد عيد الفطر " !

يعني افهمـ انّ حياتي بعد " عيد الفطر " ما هي حياه !

..
..
..

اعتــرافـــ :

من فترة وأنا احاول قد ماأقدر أحبس دمــوعــي .. لكن هـ السطرين .. ( عملوا عمايلهم )

من كل قلبي :

شكــراً .. R and Z

شكــراً .. R and Z

شكــراً .. R and Z

شكــراً .. R and Z

..
..
..

مرت أيــام .. مالقينــا اللي يفهــم ..

مكنــون الحشــا

هذيــانــك .. ذكرنــي بــ جــرحــ رسمته أياديهـــم

..
..
..

شكــراً .. R and Z

ويسلم راسك

..

لي عــودة ..

خُلودْ البَدرْ · #7 (**permalink**) 06-09-2007, 18:11

تو هالاحساس عايش فيني

مانسيته ولا نسانــي ..!

توني بكيت ..!!

لان الساعه صارت ستهــ ..

وتأخرت بالجيــه..!

قاعده احاول الملم شتــات نفســي

لكن هذيانك ...

هدني والله ..!!

...

حلو الفستان ؟! اشتريه ؟!
_ لا .. عادي
_ بس عاجبني ،، واروح المحاسب .. واشتريه !
_ طيب ليييه تشاورين ؟!

: (

فيني عبرهـ
اخاف " ابكي " وتجيني " تضحكين "
و بعد ما تضحكين _ تبكين !!

^^

عيشي هالاحساس .. وابكي واضحكي معهــا

استغلي كل لحظه وعيشيهــا بحضنهـا ..!!

..

R and Z

من مبدعات قسم الشعــر

ومن مبدعات الهذيــان

ونتأمل نشوف ابداعك بكل مـــكان : )

تحيتي

..

R and Z · #8 (**permalink**) 06-09-2007, 18:41

. ! شـمـوخ إنـسـانـهـ ! .

مروركـ بس .. " وسع صدري "

5 مرات تقرينه .. ما اكذب .. { شرف لي }

اسعدتيني بردك ..

نور الدنيا

( ترى الذكــرى و لو حلــوة طواريهــا تهــد الحيــل )

وانا اقول ..

( طاري العيد .. يهد الحيل ) !!

بانتظاركـ

عــز الـبــدو

صدقيني .. ( مكنون الحشا ) _ محد يفهمه غير " نفسك "

العفو .. و " جاري انتظار ( رجعتك ) "

سفيرة النوايا الحسنه

السموحه منتس و ( من الجميع ) كاني " هدّيت مشاعرهم "

يعطيتس العافيه سفيره ..

ووعد مني ( تشوفين الي يسرتس )

فال · #9 (**permalink**) 06-09-2007, 21:10

R and Z

يخرب بيتك على هالهذيااان

وربي لو ادري انك بتنزلينه .. كان ماتعبت نفسي

وقدمت اجااازه .. وجيت هنا عشان اغير جـــــو

الله يسامحك .. مو وقتـــه .. من جد .. ( هد حيل بوووح )

مهب عاجــز لا يهد حيل اووادم ( احساس وشعور )

لا شعورياً .. قعدت اردد وبلسان حالك هالبيت ..

آآآآآه .. آآه .. لو تدري ( ........ ) كيف ايامي بدونك

تسرق العمر وتفـــوت

R and Z

الله يوفقها .. وربي لا يحرمك منها ..

صدقين .. مابيدك شي تسوينه هالحين

الا انك .. توسعين صدره قد ما تقدرين .

وتستغلين هالايام اللي بتقعدها معكم .

. وما تعاندينه بشي .

والاهم هو .. انك تدعين لها بالتوفيق .

][ شعوري ذا الليله .. غرريب ][

R and Z

عندي احساس ان هذا الفصل الاول من هذيااان

( شعوري الحيــن )

اللي اتوقع ان الجميع بانتظار .. الفصول الباقيـه .

الحمدلله على انك خصيتي بوووح بهالذياااان

اللي اعتبره من اقوى المواضيع اللي شفتها

والسبب انه ( من القلب للقلب )

الف شكر على جراءتك .. وعلى تواجدك .. وعلى ذوقك ..

والله يساامحك .. على انك لخبطتي اجازتي ..

( لي عووده ) بس بعد ما ارجع ..

R and Z

* يمدحون شيليز .. وخاصه المولتين كيك حقتهم .

R and Z

بيـّض الله وجهتس .. على هالهذيااان .. والله لا يحرمنا منك .

R and Z · #10 (**permalink**) 07-09-2007, 08:41

FAL

ما كان بالخاطر ولا عَ البال ان الهذيان بيسوّي كل ذا ..

لو ادري .. اجلته يومين : )

امييين يا رب ..

بس !

( اشوفها قبالي كل يوم .. اناظرها و " ابتسم "

وبعد الابتسامه _

يفزّ بخفوقي / طاري " غيابها " ,, وانّي بكره دونها !!

و أصدّ ! )

نفس الشعور .. الهذيان " توّه ما بدا "

sorry كاني لخبطت اجازتك ,, و عكَرت جوكـ ..

يعطيك العافيه فال .. ترجع لنا بالسلامه و " جاري الانتظار "

الذين يشاهدون محتوى الموضوع الآن : 1 ( الأعضاء 0 والزوار 1)