الموعد المهجور ماينبت الورد !!

محطّة الإنتظَار " برايتونْ " طريقْ العودة من " لندنْ "
التوقيتْ السَاعةْ " 9:30 م "
اللقَاء صدفَه عند محطةْ البَاص طريقْ العودةْ !

أهلينْ ,
أنتبهي لنفسكْ مايصير أنتِ هنا بهالوقتْ لحالكْ !
أنَا بروح معكْ لحد ما توصلينْ ومنهَا آخذ الباصْ على طريقيْ علشان يوصلني السنترْ !
لاتشيل همْ انَا متعوّده اكون بروحيْ !

من هُنا ولدْ الهذيانْ ,
صدقوني لا أكثرْ : )
ولا تعيشونْ التفاصيلْ أكثرْ ,
وبعيداً عن تلك الأسئلة التي تصلْ هل ما كُتب حقيقة أم لا !




والله ما أروحْ لحد ما توصلينْ !!
يا بن الناسْ وصلت ,
قلت لك والله ما أروح لحد ما توصلينْ ,
والله هذا أنا وصلتْ !!
هذَا هو البيتْ ,
أوكي يالله وداعتك ربي ,
وياويلك بكرا لو تأخرتيْ !
قلت لي أوكي ,

وبكرا ماشفتكْ !
ولكن إلتقينَا بعده صدفه ,

وأهوجس في باليْ
قبلْ أمس قلتْ لك بكرَا بنتظركْ بنفس الوقتْ و { ياويلكْ لو تأخرتِيْ }
قلتي لي { أوكي } ,,

إنتظرتكْ بنفس المكانْ وبنفس الوقتْ ,
مَر ساعة و 2 و 3 و 4 ولا حسْ ولا خبرْ !!
أدري ماعندكْ شي يشغلكْ بس وش اللي صارْ ما أدريْ !!
توقعتْ جيتي قبل الموعدْ وماشفتكْ ورحتيْ !! { طِيب نيّه } : (


بعد أربَع ساعاتْ شفتكْ لا شعورْ وقلت لكْ أهلينْ !
طالعتْ ساعتي وتوقعت إنك رحتي بعد هالوقت ما كنتْ متعود أشوفكْ !

سألتكْ { أنتِ لين الحين مارحتيْ }
قلتي { تو الناسْ / توني جايهْ !!! }
إنصدمتْ وبعدهَا ماحكيتْ ولا كلمةْ ,
قلتلكْ طيب متى بتروحينْ
قلتي لي { ليه } !!
قلت لكْ خلاصْ خلاصْ و { مشيتْ }

وألف ألف سؤالْ يدور براسيْ ,
ياخي هي أمسْ قالت { أوكيْ على موعدنَا }
شلون الحينْ تقولي هالكلامْ !!
ياخي والله حالة !!
شلون أقولهَا متى بتروحينْ تقولي ليه !!
ما أمداكْ تنسين الموعدْ !


رحتْ وجلستْ بمكانيْ اللي دايم متعودْ عليه ,
بالجهة المقابلة على الرصيف المقابل لـكوستَا كوفيْ ,
قلت خلني آخذ لي { موكَا } أروقْ فيهَا المزاجْ واللي عدّا عدّا
دخلت كوستَا وأخذت لي كوفي وطلبتْ معَاه فليكْ ,
أخذتْهم وجلستْ قريبْ من " الباصْ ستوبْ "


الساعة الأولى عدت
وعدت وراهَا الساعة الثانيةْ !
بعد الساعة الثانيةْ جت من ورايْ وتعدتنيْ ولا حكتْ لي كلمة وحده !!
ياخي أقسم بجلال الله إنهَا شايفتني ومافيهْ غيرنَا بذيك اللحظة !!
بس ليه ما حكت لي شي ما أدري والله ما أدري !!
والله مافيه شي تغير !!
ومازَالت تبتسمْ كل ما مرّت !
ياخي غريبه قسم بالله غريبه !!


المهم أنَا ماحركتْ ساكنْ ونسيت الموضوعْ والموعدْ !!
بعد نص ساعة بالضبطْ قمت بإتجاه موقف الباصْ خلاصْ طفشتْ من الإنتظَار وناوي أرجعْ ,

كنت ماسكْ الجوال وأكلمْ ,
وقفتْ عندْ خط المشاه عند الإشارة وضغطتْ على إزرار المشاه ,
{ بالصدفة } كانتْ وراي وماشفتهَا !!
قربتْ مني وقالت أي باصْ راح تاخذ كم رقمهْ !!
طالعتهَا ومارديتْ !!

أعطتنَا إشارة المشاة أحقية العبور ,
مشيت بإتجاه الباصْ وماكنتْ أعرف هي جت أو لا ,
لمَا ركبتْ الباصْ أنَا كنت بالمقعدْ رقم 4 وهي بالمقعدْ رقم 2 ,,
إلتفتتْ عليّ وقالت تعَال هنا مافيه أحدْ !
قلت لهَا آسف ما اقدرْ أنا شوي وراحْ انزلْ !
قالت تنزلْ وين ؟
قلت لهَا وانتِ وش عليكْ !
قالتْ بس بالعَاده انا انزلْ قبلكْ !!
اليوم وش اللي تغيرْ ؟

قلت ما تغيرْ شيْ بس مالي خلقْ انزل معكْ ,
ومالي خلقْ اجي جمبكْ !
صار شي ؟
لا ,
خلاص براحتكْ ,

سكوتْ وبعدهَا ولا كلمة لا أنَا لا هي !
رجعت طالعتني مرة ثانية ,
طيب بس تعَال شوي قبل ما نوصلْ بقولك شي على بكرَا ,

قلتْ لها لمّا يجي بكرا تجي سوالفَه معاهْ ,

قالت طيّب بقولك شي ,
يوم الأحد انا ماشيه خلاصْ !

قلت لهَا الله يحفظك وتوصلين بالسلامهْ ,
طيب وش يعني انك راجعه يوم الأحدْ !

ثُم بعد ذلكْ
{ ,,
,,
,,
,, }

* كثيرْ من الأحداثْ بينْ القوسينْ صَارتْ ,


إنتهى اليومْ وإنتهى الموعدْ !!

{ بذمتكْ هذا كلامْ !!
بذمتكْ هذَا موعدْ !!
بذمتكْ يصير كذَا !! }

لا وأبشركْ بكرَا كان نفسْ اليومْ
لا حس ولا خبرْ !!
بس أنَا اللي اخترتَه كذَا !


كل اللي صارْ فوقْ نسيتهْ ولا جاء على باليْ ,
ولكن مازلت أذكرْ إنتظاريْ ساعتينْ تحتْ المطرْ لكن ربي رحمنيْ بمظلاتْ إنتظَار الباصْ ,
ومازلت أذكرْ طريق رجعتيْ لمَا كنت أبي أقطع الشارعْ ودستْ على المطرْ اللي بممرْ الشَارعْ
وقلتي لي إنتبهْ ومارديتْ عليكْ !!
وماكانْ لي خلق أرد عليكْ ,
وما ابي اردْ عليكْ أصلاً !

الخاطر يضيق ياوخيّه !!


{ أجي ملهوفْ ملهوف عطش تحت المطرْ ملهوف ,
وقتي يطوف لوني ضايع ومخطوف , }
وهمْ والله وهم كل المواعيدْ وهمْ !!

* ماكَان بين القوسينْ لا شيء سِوا بعض الخلافَاتْ
التي احتفظْ بهَا البَاص ونسيتهَا بداخلهْ !

للصيفْ القَادم موعدْ ياصديقيْ !